Delegasaun ASEAN Liturgy forum relata esperiénsia vizita TL ba Xanana
DILI, 25 Setembru 2026 (TATOLI)—Delegasaun Asean Liturgy Forum hala’o enkontru ho Primeiru-Ministru, Kay Rala Xanana Gusmão, hodi relata sira-nia esperiénsia dahuluk durante semana ida vizita Timor-Leste.
Primeiru-Ministru, Kay Rala Xanana Gusmão, hateten katak delegasaun hirak-ne’e husi ASEAN no mós husi Austrália, Papua Nova Guiné no Indonézia, ne’ebé mai atu ko’alia AZIA liturgy forum, ne’ebé hamutuk ho amu-lulik sira halo konferénsia, diskusaun no reflesaun ho timoroan sira.
“Ne’ebé, ohin, loron sira mai hasoru kortézia ida tanba aban sira atu fila-fali ba sira-nia rai, entaun ne’e la’ós asuntu polítika maibé relijiozu,” Xefe Governu informa ba jornalista iha Palásiu Governu, ohin.
Vise-Koordenadór ba ASEAN Liturgy Forum, Justinu Tanek, hateten ASEAN liturgy forum ne’ebé selebra durante tinan-25, baibain liturjista sira ho péritu sira husi relijiaun katólika nasaun ASEAN nian halo diskusaun tema kona-ba liturjia no sinonalidade, signifika katak oinsá iha litúrjia la esklui ema ida maibé la’o hamutuk nu’udar Maromak nia povu.
“Iha enkontru ohin PM Xanana husu delegasaun sira hotu atu espresa ida-idak nia esperiénsia bainhira vizita Timor, tanba ida-ne’e nu’udar sira-nia vizitasaun dahuluk,” amu-lulik ne’e relata.
Tanba ne’e, nia dehan, delegasaun hotu sente kontente no konfortável tebes tanba ema barak mak simu sira nu’udar maun-alin no feton iha Kristu.
Jornalista : Alexandra da Costa
Editór : Cancio Ximenes
