INE-TL rejista deflasaun 0,3% iha Agostu 2026

DÍLI, 28 Setembru 2026 (TATOLI) — Institutu Nasionál Estatístika Timor-Leste (INE-TL) rejista deflasaun 0,3% iha Índise Presu Konsumidór (IPC) iha fulan Agostu 2026, kompara ho fulan Julhu ne’ebé rejista inflasaun 0,2%.

Dadus INE-TL hatudu katak deflasaun ne’e akontese liuliu tanba presu produtu alimentár no bebida la’ós alkóolika tun 0,5%, no presu bebida alkóolika no tabaku tun 0,1%.

Iha produtu alimentár, presu modo tahan tun -2,3%, susubeen, keiju no Manutolun tun -1,6%, foos tun –0,2%, ai-fuan tun -0,6%, no bee, bebida, sumu ai-fuan no bebida la’ós alkóolika tun -0,2%.

Enkuantu, presu ekipamentu manutensaun no mobíliariu doméstiku sa’e +0,2%, no presu transportasaun sa’e +0,1%.

Aleinde ne’e, rejista mós aumentu presu iha produtus sira hanesan kafé, xá no kokoa ho +1,9%, no masin midar, marmelada, banibeen, xokolate no hahan midar ho +0,3%.

Komparasaun entre Agostu 2026 no períodu hanesan iha tinan 2025 hatudu katak IPC tun -0,1%. Deflasaun anuál ne’e prinsipalmente kontribui husi presu tun iha produtu alimentár no bebida la’ós alkóolika ho -0,6%, ekipamentu manutensaun no mobíliáriu uma-laran ho -1,6%, no rekreasaun no kultura ho -0,6%.

Iha sorin seluk, presu transportasaun sa’e +6,2%, hatais no sapatu sa’e +1,3%, edukasaun sa’e +0,3%, no komunikasaun sa’e +0,3%.

Jornalista: Alexandra da Costa
Editór: Filomeno Martins