CLN sosa ona hare kulit tonelada 210 husi agrikultór Kovalima
KOVALIMA, 29 Setembru 2026 (TATOLI)- Sentru Lojístika Nasionál (CLN) sosa ona hare kulit hamutuk tonelada 210 husi agrikultór sira iha Munisípiu Kovalima.
“Iha fulan Agostu ne’e, agrikultór sira kolleta ona hare kulit. Tanba ne’e, ami husi CLN sosa ona hare kulit provizóriu hamutuk tonelada 210 husi agrikultór sira,” Pontu Vokál CLN iha Munisípiu Kovalima, António Amaral, António Amaral hateten.
CLN sosa hare kulit bazeia ba estudu husi nasionál nia prosesa liuhusi tenderizasaun empreza mak sosa husi agrikultór sira hafoin haruka ba armajen iha Tibar.
Nia esplika katak, CLN liuhusi empreza lokál Arjo no Kikai hala’o prosesu sosa hare kulit husi komunidade agrikultór sira. Hafoin sosa, hare kulit hirak-ne’e lori ba armazein CLN iha Tibar atu halo prosesamentu sai foos.
Hare kulit ne’ebé mak CLN sosa liuhusi empreza nune’e CLN laiha armazein atu tau iha armazein tanba empreza mak sosa hare hafoin sira rai iha sira nia uma habai halo maran tiha mak lori ba iha CLN nasional.
Empreza sosa hare kulit husi agrikultór sira kada kilograma nia folin Sentavu 45 husi komunidade sira iha Kovalima.
“Ha’u nu’udar Pontu Vokál CLN iha munisípiu, halo koordenasaun de’it kona-ba prosesu sosa hare kulit. Hafoin sosa tiha, hare kulit sei dulas sai foos. Kona-ba dadus nasionál, ha’u la hatene tanba dadus ne’e iha nível nasionál,” nia dehan.
Jornalista: Celestina Teles
Editór: Florencio Miranda Ximenes
