SEFOPE husu mídia labele inventa informasaun la tuir faktu
DILI, 13 Outubru 2026 (TATOLI)—Sekretáriu Estadu Formasaun Profisionál no Empregu (SEFOPE), Rogério Araújo Memdonça, husu ba mídia sira tenke sai povu nia matan no tilun, hodi labele inventa informasaun la tuir faktu.
“Maibé ha’u hakarak rekomenda ba mídia sira, tanba ha’u sente triste uitoan haree públikasaun husi mídia Timor Post iha loron 10 fulan-Outobru, ne’ebé deklara katak “MKAE trava saláriu mínimu, SEFOPE sei keixa ba Xanana,” Sekretáriu Estadu Formasaun Profisionál no Empregu (SEFOPE), Rogério Araújo Memdonça, hateten ba jornalista sira iha nia kna’ar fatin Kaikoli, ohin.
Nia dehan, bainhira rekolla informsaun no hakerek notísia hodu públika iha mídia ne’e tenke bazeia ba faktu sira.
“Tanba iha loron 09 fulan-Outobru ne’e, ha’u sita katak bainhira prosesu revizasaun lei saláriu mínimu mak sei pendente hela mak parte SEFOPE sei hato’o mós informasaun ba iha Primeiru-Ministru, signifika la dehan katak “kesar ba Xanana,” nia dehan.
Tanba ne’e, nia rekomenda ba parte mídia sira tenke haree didi’ak lai tanba audiénsia balun gosta konsumu infirmasaun haree de’it ba nia títulu la’ós konteúdu tomak husi notísia nian.
Jornalista : Alexandra da Costa
Editór : Cancio Ximenes
