Janeiru-Outubru, MS halo ona fumigasaun no distribui abate ba uma kain 238.398
DILI, 14 Outubru 2026 (TATOLI)—Diretór Edukasaun Promosaun Saúde iha Ministériu Saúde, Jaime Belo, hateten husi janeiru to’o outubru Ministériu Saúde halo ona fumigasaun no distribui abate ba uma kain hamutuk 238.398 iha territoriu Timor-Leste.
Nia dehan, iha Munisípiu Aileu ne’ebé ekipa halo ona abate hamutuk 2.651 no fumigasaun ba uma kain hamutuk 3.473, Ainaro uma kain ne’ebé distribui ona abate hamutuk 3.787 no fumigasaun hamutuk 2306, Ataúru uma kain ne’ebé distribui abatize hamutuk 5.790 no fumigasaun hamutuk 1.762.
Iha Munisípiu Baukau ne’e uma kain ne’ebé tau abaten hamutuk 10.055 no fumigasaun hamutuk 7.086, Bobonaru uma kain ne’ebé tau ona abate hamutuk 8.678 no fumigasaun hamutuk 5.577, Kovalima uma kain ne’ebé tau ona abate hamutuk 3.879 no fumigasaun hamutuk 5.227.
Munisípiu Dili, nia informa, uma kain ne’ebé mak tau ona abate hamutuk 70.350 no fumigasaun hamutuk 50.442, Ermera iha uma kain ne’ebée mak tau ona abate hamutuk 7.261 no fumigasaun hamutuk 3.010, Lautein uma kain ne’ebé mak tau ona abate hamutuk 2.860 no fumigasaun hamutuk 8.549.
Iha Munisípiu Likisá ne’e uma kain ne’ebé mak tau ona abate hamutuk 3.547 no fumigasaun hamutuk 941, Manatutu uma kain ne’ebé tau ona abate hamutuk 2.495 no fumigasaun 842.
Munisípiu Manufahi ne’e iha uma kain ne’ebé tau ona abate hamutuk 5.437 no fumigasaun hamutuk 1.939, RAEOA uma kain ne’ebé mak tau ona abate hamutuk 5.283 no fumigasaun 5.037, Vikeke uma kain ne’ebé mak tau ona abate hamutuk 4.265 no fumigasaun hamutuk 5.869.
Nia relata, daudaun ne’e Ministra Saúde orienta ona atu halo preparasaun ba kimiku sira tanba haree katak udan atu monu rai ona, oinsá halo preparasaun nune’e halo prevensaun ba moras dengue ida-ne’e.
“Ita-nia estoke fumigasaun no abate sufisiente hela, tanba foin lalais ita-nia parseiru sira kontinua apoiu hela, nune’e husu munisípiu sira karik kimiku la iha ble halo pedidu mai nune’e bele distribui ba ita boot sira. Agora daudaun ami halo hela intervensaun ba Munisípiu Bobonaru, Kovalima, Ataúru no Dil. Ida-ne’e mak ami halo hela fumigasaun nomós fahe abate ba munisipiu sira-ne’ebé mak Ministra Saúde orienta ba,” nia informa.
Ba munisípiu sira seluk, situasaun normál hela, entaun ida ne’e mak MS seidauk halo intervensaun, maibé ekipa mós aviza hela ba Diretór Munisípiu sira katak se fatin risku hahú fahe ona abate no fumigasaun tanba udan mós hahú monu rai nune’e halo prevensaun sedu,” nia dehan.
Jornalista : Felicidade Ximenes
Editór : Cancio Ximenes
