CLN iha stock foos sufisiente atu atende ba situasaun emerjénsia
DILI, 15 Outubru 2026 (TATOLI) – Sentru Lojístika Nasionál (CLN, sigla portugés) iha stock foos sufisiente ne’ebé daudaun iha hela armazein nasionál hodi atende ba situasaun emerjénsia ruma.
Prezidente Sentru Lojístika Nasionál, António de Araújo Soares, hatete relasiona ho situasaun El Niño, CLN nu’udar sentru lojístika mós halo preprasaun ba ai-ha hodi garante stock nasionál.
“Ita-nia stock iha armazein sufisiente tanba daudaun iha foos lokál hamutuk tonelada 121, foos importasaun tonelada 1.582, hamutuk tonelada 1.703”, António de Aarújo Soares informa ba Tatoli, ohin.
Aleinde foos iha armazein, sei iha mós haree kulit tonelada 1.800 no karik iha situasaun emerjénsia ruma bele dulas sai foos ne’ebé bele hetan to’o tonelada 900-1.000.
“Iha tempu badak mós sei halo akizisaun foos tonelada hamutuk 3.200 ho totál orsamentu hamutuk $581.599. Aleinde ne’e, iha orsamentu retifikativu ne’e CLN mós hetan millaun $5 iha Dotações para Todo o Governo atu haree ba situasaun sira”, nia dehan.
Tuir nia, ho orsamentu no stock sira ne’ebé iha, preprasaun Governu garante ba situasaun sira iha futuru.
Nia subliña katak ho haree kilit ne’ebé CLN sosa, barak liu mai husi munisípiu Kovalima, Manufahi no Bobonaru, restu ne’e uituan de’it tanba haree mós ba mudansa klimátika no fatin balun ne’eb’e falta irrigasaun.
Jornalista: Arminda Fonseca
Editora: Maria Auxiliadora
