Setór justisa tenke garante imparsialidade-independente ba interese Estadu
DILI, 19 Outubru 2026 (TATOLI)—Ministru Justisa, Sérgio Hornai, hateten katak kona-ba reforma justisa nia sempre orienta servisu setór justisa tenke garante objetividade ho imoarsialidade no independente ba interese léjitimu Estadu ida-nian.
Kona-ba reforma justisa ne’e, nia hateten, sira halo daudaun reforma boot ida mak estabelese Timor-Leste nia Tribunál Supremu.
“Kuaze dékada rua hafoin ita restaura independénsia ita iha mehi boot ida atu konsolida, reestrutura ita-nia tribunál sira iha nivel primeira instánsia to’o iha ultimu instánsia,” Ministru ne’e relata ba jornalista sira iha Palásiu Governu, ohin.
Ministru afirma, reforsa mak Governu halo daudaun iha Supremu Tribunál rasik, hasa’e kualidade juíz sira, prokudór sira, advogadu, defensór públiku, ofisiál justisa, orgaun polísia kriminál sira.
“Entaun, ne’e presiza rekursu ida-ne’ebé adekuadu hodi resposta ba iha dezafiu boot sira-ne’ebé mak iha, no loron ba koron ita sempre halo melloramentu hodi hasa’e kualidade no kuantidade hodi halo prestasaun serviu iha komunidade nia leet,” nia dehan.
Nia hatutan, sira mós halo kona-ba jestaun administrasaun ho objetivu atu presta servisu ho kualidade, lalais, efisiente hodi hatan ba iha preokupasan ne’ebé demanda liuhusi komunidade.
“Ita mós labele ezerse servisu hotu iha tinan ida-nia laran, maibé ne’e programa ida-ne’ebé mak kontinuidade katak husi Governu ida ba Governu seluk hodi konsolidada dezenvolvimentu iha setór justisa,” nia hateten.
Konserteza iha konstantamentu sira hanesan polémika ka desintendimentu sira mosu maibé ida-ne’e mak infrakesa servisu sira-ne’ebé instituisaun no Estadu hakarak la’o ba oin.
“Ema ida ka rua labele impoin ninia autoridade ba iha Estadu. Estadu tenke sujere hodi la’o ba oin. Ida-ne’e mak mensajen ida husi MJ sempre orienta atu halo servisu ho objetividade, imparsialidade, independente ba de’it interese lejítimu rai no povu ida-ne’e nian,” nia hateten.
Jornalista : Alexandra da Costa
Editór : Cancio Ximenes
