“Ita tenke hadi’a konkursu públiku, informasaun finanseira ho prestasaun konta”
DILI, 09 Novembru 2026 (TATOLI)—Primeiru-Ministru, Kay Rala Xanana Gusmão, enkoraza hadia sistema konkursu públiku iha liña liministeriál hotu hldi garante imparsialidade no efikásia.
“Ita tenke kontinua hadi’a konkursu públikus, informasaun finanseira ho prestasaun konta. Kontratu públiku tenke entrega bein ou servisu ne’ebé ajudika ona,” Primeiru-Ministru, Xanana Gusmão, hateten liuhusi diskursu ba abertura debate Orsamentu Jerál Estadu (OJE) 2027 iha faze jeneralidade iha Parlamentu Nasionál, ohin.
Xefe Governu dehan, kada pagamentu tenke iha apoia dokumentál, faillansu ne’ebé identifika tenke halo asaun korretiva.
“Aleinde presiza mós instituisaun sólida, kuadru finansa públika foun reforsa responsabilizasaun ba Parlamentu Nasionál no ba sosiedade,” nia dehan.
Nia subliña, konta jerál Estadu 2025 ne’ebé públika iha Juñu tinan 2026 ne’e, oferese informasaun detallada liu kona-ba utilizasaun rekursu públiku.
Tanba ne’e, orsamentu afeta millaun $139, 8 ba orden públika ho seguransa no millaun $36,2 ba justisa.
Justisa ne’ebé efikás, rejistu sivil asesível no direitu propriedade seguru esensiál tebe-tebes ba sidadaun no ba empreza sira. Ema hotu-hotu presiza fiar katak sei rekoñese sira-nia direitu no instituisaun públika sira sei trata ho imparsialidade.
Jornalista : Alexandra da Costa
Editór : Cancio Ximenes
