Assanami: “Asume Prezidente Repúblika tenke sai influénsia diplomata iha mapa globál”
DILI, 10 Novembru 2026 (TATOLI)—Prezidente Partidu Demomrátiku, Mariano Assanami Sabino, afirma sira-nia partidu iha figura barak mak hakarak kandidata-an ba Prezidente Repúblina tinan 2027-2032, maibé desizaun liuhusu konvensaun la’ós husi orgaun superiór partidu.
Prezidente Partidu Demomrátiku, Mariano Assanami Sabino, hateten baibain Partidu Demomrátiku ne’e liuhusi konvensaun mak hili figura ba kandidatu prezidensiál. Figura barak, balun deklara ona hakarak kandidata an maibé PD mós haree katak Timor-Leste agora adere ba ASEAN no TL presiza rekoñese iha mapa mundu.
“Signifika la’ós prezidente partidu mak hili maibé ne’e konvensaun mak hili, ne’ebé ema hotu-hotu bele kandidata nia-an, ha’u fó livre ba maluk sira maibé ita tenke fihir duni figura ida di’ak ne’e,” Dirijente PD relata ba jornalista sira hafoin remata diskusaun OJE 2027 iha Parlamentu Nasionál, ohin.
Tuir nia, sai Prezidente Repúblika ne’e figura ida-ne’ebé la’ós tanba Timor maibé ninia figura rasik ne’ebé nia halo atu ema koñese, entaun PR mak unifikadór no rekonsiliadór hodi garante funsionamentu instituisaun demokrátiku liuliu F-FDTL ho PNTL.
“Tanba ne’e, ita tenke hili ho kuidadu no rigór hodi hetan Xefe Estadu ida-ne’ebé reprezenta Estadu la’ós reprezenta partidu,” nia dehan.
Jornalista : Alexandra da Costa
Editór : Cancio Ximenes
