Top

Governu autoriza despeza kombustível millaun $28.99 ba sentrál elétrika iha Hera-Betanu

Vise Primeiru-Ministru, Ministru Asuntu Sosiál no Ministru Dezenvolvimentu Rurál no Abitasaun Komunitáriu, Mariano Assanami Sabino, prezide reuniaun Konsellu Ministru, iha Palásiu Governu, kuarta (16/11). Imajen Tatoli/Francisco Sony

DILI, 16 Novembru 2026 (TATOLI)—Governu liuhusi reuniaun Konsellu Ministru delibera hodi autoriza Ministériu Obra Públika abertura prosedimentu aprovizionamentu, liuhusi ajusta direitu ba aluga infraestrutura deskarga kombustível nian (jetty e pipeline) ba sentrál elétrika Hera no Betanu, ba períodu tinan tolu ho montante globál másimu hamutuk millaun $28.99.

Husi montante ida-ne’e, maizumenus millaun $16.76 aloka ba aluga infraestrutura sentrál elétríka iha Hera no millaun $12.22 ba infraestrutura sentrál eletríka iha Betanu.

Ministru Obra Públika, Samuel Marçal, hateten katak sira mós husu autorizasaun ba prosesu aprovizionamentu kombustível ba jetty no pippeline Betanu nian tanba kontratu ne’e termina ona entaun agora presiza halo fali despeza ba kontratu foun.

“Despeza ne’e atu aluga ense kombustível ba jeradór Betanu no Hera, entaun ida-ne’e mak ami-nia proposta ba reuniaun Konsellu Ministru ohin loron nian,” Ministru Samuel hateten ba jornalista sira iha Palásiu Governu, ohin.

Enkuantu desizaun ida-ne’e ho objetivu atu garante kontinuidade operasaun deskarga kombustível ne’ebé nesesáriu ba operasaun sentrál elétrika rua ne’e, tanba Eletricidade de Timor-Leste (EDTL, E.P) seidauk iha infraestrutura rasik ba objetivu ida-ne’e, tanba hili hodi halo ajusta direitu, justifikadu tanba falta alternativa viavel ba deskarga kombustivel iha ninia fatin sira.

Jornalista : Alexandra da Costa

Editór       : Canxio Ximenes

Publisidade

Leave a Reply

Latest Post

error: Content is protected !!