Top

TLPDP fó formasaun lideransa ba PNTL-PCIC hamutuk 23 durante semana ida

Konsileiru Formasaun Timor-Leste Police Development Program (TLPDP), Daniel Wall. Imajen Tatoli/Felicidade Ximenes.

DILI, 16 Novembru 2026 (TATOLI)—Timor-Leste Police Development Program (TLPDP) fó formasaun lideransa durante semana ida  ba membru Polísia Nasionál Timor-Leste (PNTL) no Polísia Sientífika Investigasaun Kriminál (PCIC) hamutuk 23.

Konseleiru Formasaun TLPDP, Daniel Wall, hateten formasaun ne’e husi Institutu Jestaun Lideransa Polisiamentu nian, foka liu ba lideransa atu mellora servisu hodi serbí komunidade.

“Ohin dadersan, ida-ne’e iha formasaun ida-ne’ebé mak mai husi institutu jestaun lideransa polisiamentu ninian ne’ebé mak fó formasaun ida-ne’e foka liu ba lideransa ninia, sei hala’o durante semana ida-nia laran,” Daniel Wall hateten ba jornalista sira iha Palm Spring, Fatuhada, ohin.

Formasaun ida-ne’e, nia dehan, konvida mós peritu sira husi Austrália ne’ebé fó formasaun direta ba PNTL no PCIC.

“Formasaun ne’e foka liu ba oinsá papel lideransa ninian, atu oinsá mellora sira-nia servisu hanesan lideransa oinsá atu serbí komunidade,” Daniel Wall hateten.

Nia informa, Formasaun ne’e interativu hodi hasa’e papel lideransa atu halo interasaun di’ak liután. Destinadu ba nivel superiór ka seniór oinsá sai matadalan, fó instrusaun ho meiu lideransa efetivu hodi hala’o kna’ar ho di’ak liután.

Jornalista : Felicidade Ximenes

Editór        : Cancio Ximenes

Publisidade

Leave a Reply

Latest Post

error: Content is protected !!