Festivál Nasionál Desportu 2026, Dili manán Ermera 2-1

DILI, 17 Novembru 2026 (TATOLI)—Ekipa futeból mane husi Dili konsege manán Ermera ho rezultadu 2-1 iha jogu Festivál Nasionál Desportu (FND) 2026 iha jogu ne’ebé hala’o iha Estádiu Munisipál Dili, tersa kalan.
Jogu hahú ho ritmu aas husi ekipa rua, maibé jogadór husi ekipa Dili mak loke golu ba dahuluk, lihusi jogadór Natalino da Costa iha minutu 19, hodi lori Dili manan 1-0 to’o primeira parte ramata.
Ekipa Ermera tenta buka atu hatama golu hodi empata, maibé la konsege aproveita oportunidade sira-ne’ebé iha, nune’e tama ba segunda parte ne’e ekupa Ermera tama ho forsa foun no konsege hatama golu, maibé jogadór Tomas Sarmento iha minutu 52, hodi halo rezultadu golu sai 2-0 ba Dili.
Hafoin ne’e, Ermera la rende no kontinua halo presaun no iha minutu 72, Mouzinho Barreto halo golu ba Ermera, hamenus diferensa ba 2-1.
To’o jogu ramata, rezultadu laiha mudansa, nune’e ekipa Dili manán Ermera 2-1 no konsege halibur pontu tolu iha jogu ne’e.
Ataúro vs Kovalima empate 3-3
Entretantu, iha jogu abertura ba Festivál Nasionál Desportu (FND) 2026 ba modalidade futeból mane, entre ekipa Ataúru hasoru Kovalima ne’e ramata ho rezultadu empate 3-3.
Iha primeira parte, ekipa rua hatudu jogu ne’ebé ekilibradu maibé Kovalima sai ho vantajen, maibé jogadór husi ekipa Ataúru mak loke golu uluk liuhusi Narciso Sarmento iha minutu 25.
Maibé Kovalima konsege muda rezultadu iha tempu balun primeira parte nian, maka jogadór Avelino de Araújo halo golu iha minutu 45+1, no Joterino do Carmo halo golu iha minutu 45+2, ho nune’e primeira parte ramata ne’e Kovalima manán 2-1.
Iha segunda parte, jogu sai manas liután maibé jogadór Kovalima aumenta tan golu ida liuhusi Yohanes C. Paulus iha minutu 63, hodi muda golu ba eskore 3-1 ba Kovalima.
Maibé Ataúru mós la rende iha biban ne’e, nune’e Narciso Sarmento halo tan ninia golu segundu iha minutu 67 hodi hamenus diferensa golu muda ba 3-2.
Iha tempu akrésimu, Pascoal Alves halo golu empate ba Ataúru iha minutu 90+3, no jogu ramata ho rezultadu 3-3.
Rezultadu empata ne’e halo ekipa rua fahe pontu ida-idak iha jogu abertura Grupu nian ba FND 2026.
Jornalista : Hortêncio Sanchez
Editór : Cancio Ximenes

