DILI, 28 setembru 2020 (TATOLI)-Ministériu Edukasaun Juventude no Desportu (MEJD) tau ona iha planu orsamentu jerál estadu 2021 atu reabilita sala aprendizajen hamutuk 680 husi totál eskola 221 iha territóriu Timor-Leste.
Diretór Nasionál Infraestrutura MEJD, Elio Lopez, hateten nia parte identifika ona kondisaun eskola hirak ne’e hodi tau ona iha planu orsamentu hodi halo reabilitasaun.
Notísia Relevante :MEJD apoiu ona materiál konstrusaun ba EBF Baucau no Uaibobo
“Ita sei rehabilita uluk sala aula 680 husi eskola 221 iha territóriu Timor Laran tomak maibé la inklui Rejiaun Administrativa Espesiál Oe-Cusse Ambeno (RAEOA),” nia dehan ba Tatoli, iha Parlamentu Nasionál, segunda ne’e.
Maski prevee ona iha orsamentu, maibé nia la esplika detaillu totál orsamentu hira maka MEJD sei uza hodi reabilita sala atus rua resin ne’e.
Alende reabilita sala aprendizajen, MEJD mós sei foku ba infraestrutura seluk hodi fasilita prosesu aprendizajen ba estudante sira komes ahusi pre-eskolár to’o tékniku vokasionál.
Notísia Relevante :Armindo Maia Planea Reabilita Sala Eskola 1.500
Jornalista : Tomé Amado
Editór : Agapito dos Santos
