DILI 07 abríl 2022 (TATOLI)—Ministériu Saúde (MS) relata, kazu detetadu pozitivu foun na’in-neen, rekuperadu laiha no kazu ativu 15.
“Ohin kazu detetadu foun neen , rekuperadu la iha, no kazu ativu 15,” hateten Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu ohin ne’e.
Nune’e, hahú 21 marsu 2020 to’o 07 abril 2022 iha kumulativu kazu konfirmadu 22.842 no óbitu 130.
Hosi horisehik mai ohin, Laboratóriu Nasionál Saúde halo teste PCR 495, kompostu vijilánsia sentinela laiha, rastreiu ba kontaku laiha, rastreiu aleatóriu 131, viájen internasionál 364, follow up iha kuarentena laiha.
Alende ne’e, totál teste PCR ne’ebé halo iha 06 abril 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 58 hanesan Maubisse laiha, Maliana laiha, Viqueque tolu, Suai 12, Baucau laiha Ermera laiha, RAEOA laiha, HNGV 38, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 03 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,6%) no kumulativu 2ª doze iha Dili (84,2%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,2% no simu ona doze daruak 73,2%.
Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.
Iha loron 07 abril marsu 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha baixa ho COVID-19 la iha.
Notísia Relevante:COVID-19: kazu detetadu pozitivu foun laiha no kazu ativu sia
Jornalista: Felicidade Ximenes
Editór : Florencio Miranda Ximenes
