BAUCAU, 21 jullu 2022 (TATOLI) – Komisaun Reguladora Arte-Marisiál (KRAM) husu organizasaun arte-marsiál sira atu kumpre desizaun pontu lima ne’ebé fó iha segunda diretiva.
Prezidente KRAM, Octavio da Conceicão esplika, pontu importante lima ne’ebé deskreve ona iha segundu diretiva 2022 sai baze fundamentál organizasaun nian ne’ebé fó-sai ona iha Jornál Repúblika hanesan rensensiamentu membru organizasaun arte-marsiál, re-estabelesementu fatin formasaun, sertifikasaun ba treinadór, prosedimentu aplikasaun sansaun inkomplementu no konsellu disiplinár.
“Bainhira arte-marsiál ida reativa ita-nia estadu presiza hatene hodi monitoriza tanba pontu lima ne’e sai baze fundamentál ne’ebé fó-sai ona iha Jornál Repúblika,” Prezidente KRAM hateten iha Vila Nova, kinta ne’e.
KRAM enkoraja lider arté-marsiál no arte ritual sira kumpri nafatin lei númeru 5/2017 ne’ebé aplika atu hodi kria paz no estabilidade iha Timor-Leste.
Reprezentante Prezidente Autoridade Munisipiu Baucau Bernardo Ornai hateten, papel arté marsiál importante nune’e husu ba joven sira ne’ebé envolve iha arté-marsiál atu hametin unidade no kria pás hodi kontribui ba dezenvovimentu nasionál.
“Ita-nia joven sira-nia kontribuisaun ba luta ukun rasik-aan ida-ne’e boot, ne’e hanesan rikeza ida ita-nia joven sira ohin loron ne’ebé tama iha grupu arte-marsiál kontinua hametin unidade ida-ne’e,” Bernardo argumenta.
KRAM liuhosoi Sekretáriu Estadu Juventude no Desportu (SEJD) tuir planu transforma organizasaun arte-marsiál nu’udar modalidade desportu ne’ebé tuir planu tinan-2023 sei realiza kompetisaun entre membru arte-masiál hotu iha Timor-Leste.
Notísia relevante: KRAM sensibiliza segunda diretiva ba GAM iha Bobonaro
Jornalista : Natalino Belo
Editór : Evaristo Soares Martins
