DILI, 27 fevereiru 2023 (TATOLI)—Prezidente Konsellu Kombatente Libertasaun Nasionál (CCLN), Vidal de Jesus “Riak Leman”, hateten tinan ne’e CCLN ho nia programa subsídiu eskolár hodi atribui ba veteranu nia oan sira.
Notísia Relevante: Governu atribui bolsa estudu ba veteranu nia oan 100-resin iha 2023
“Ami aloka osan $195.000 ba sustenta subsídiu eskolar ba veteranu grau 0-3 ho 4-7 nia oan sira liuhosi bolsa estudu,” Prezidente CCLN ne’e hateten ba Agência Tatoli liuhosi telefónika, segunda ne’e.
Hosi osan ne’e, nia hateten, parte CCLN simu ona benefisiariu veteranu sira-nia oan iha territóriu nasionál hamutuk ema 200 ona.
“Ema ne’e pas ona, ne’ebé ami presiza ida-ne’e de’it tanba ami halo kálkulu osan la to’o ne’ebé tinan ne’e estudante ne’ebé husu osan ajudu ne’e sóba ema 200 de’it,” nia hateten.
Benefisiáriu ba programa subsídiu eskolar ne’e ba estudante universitáriu sira-ne’ebé mak iha hela prosesu hakerek teze ka monografia.
Nia dehan, atu fahe ne’e parte kompetente sei hein hela eleisaun parlamentár no agora besik atu kampañia eleitorál ne’ebé sei foka hela ba ida-ne’e.
Jornalista : Osória Marques
Editór : Cancio Ximenes
