DILI, 17 Setembru 2025 (TATOLI) – Hafoin akontese inséndiu ne’e rezulta husi korrente elektríku horseik (16/09) EB São João de Brito Likisá, iha ona alternativa ba estudante sira hodi garante atividade ensinu-aprendizajen.
Diretór Servisu Edukasaun Munisipál Likisá, Júlio da Silva, informa katak horisehik kedas parte hotu-hotu hamutuk hodi kombate no konsege rezolve ona maibé ida ne’e presiza tempu hodi hadi’a.
“Maibé importante mak ita bele buka meiu ida oinsá estudante sira-ne’e labele lakon sira-nia direitu aprende,” Diretór Júlio da Silva dehan ba TATOLI via WhatsApp, kuarta ne’e.
“Inséndiu horisehik ne’e estudante sira labele asesu prosesu aprendizajen maibé ohin bele hahú prosesu normál. Tanba buka ona fatin hodi akumula estudante sira,” nia reforsa.
Dirijente eskola dehan, sira-nia parte hato’o ona informasaun ligadu ho fasilidade ne’ebé ahi han mutuk hotu.
“Fasilidade sira ahi han mutuk, no intervensaun Ministru Edukasaun Interinu, Domingos Lopes Lemos, horiseik to’o kedas fatin hodi observa direta,” nia haktuir.
Kronolojia
Entretantu, eskola referida ahi han, Diretór Servisu Edukasaun Munisipál Likisá, Júlio da Silva, eletrisidade informa katak ne’e tanba sirkuítu no rezulta saladeaula tolu (3) iha Ensinu Báziku João de Brito, Likisá, mutuk.
“Kronolojia inséndiu ne’e tanba eletrisidade sirkuítu iha oras 02h05. Nune’e ahi han edifísiu ida ho nia saladeaula tolu, ida fali saladeaula ba estudante 7 anu nian, depoiz ida ba 11 anu no seluk ba multimedia no biblioteka nian inklui ho sala ba Diretór eskola,” nia relata.
Númeru estudante EB 7 ano – mane (M) na’in-59, feto (F) 64. Enkuantu, no ESGC M 55, F 69.
Jornalista : Osória Marques
Editór: Rafael Ximenes de A. Belo
