PM Xanana rekomenda halo rekrutamentu foun ba kadetes PNTL

DILI, 19 Marsu 2026 (TATOLI)–Primeiru-Ministru, Kay Rala Xanana Gusmão, hateten Governu haree ona hamutuk ho Polísia sira mai husi Austrália rekomenda katak taka tiha prosesu rekrutamentu tuan no halo fali rekrutamentu foun ba kadetes foun Polísia Nasionál Timor-Leste (PNTL).

Xanana dehan, desizaun ne’e foti husi Governu atu nune’e bele garante transparánsia no justisa iha prosesu selesaun.

“Ha’u informa ba Prezidente Repúblika katak, horisehik horibainruak iha fali manifestasaun ona kona-ba prosesu rekrutamentu Polísia foun, entaun ami bolu ona parte sira husi Austrália, Portugál no partisipa mós husi Sosiedade Sivíl nian haree katak rekrutamentu ida naton ne’e provoka hodi mosu kontestasaun barak ne’e. Entaun, sira rekomenda atu taka ou arkiva tia rekrutamentu ida uluk ne’e, pois mak loke foun fila fali,” Xanana hateten ba jornalista sira hafoin enkontru semanál ho Prezidente Repúblika José Ramos-Horta, iha Palásiu Prezidensiál Nicolau Lobato, Bairru-Pite, ohin.

Xefe Governu ne’e esplika, bainhira loke fali prosesu foun mak Ministériu Interior (MI) sei esklarese ba públiku.

“Bainhira loke prosesu fila-fali tuir faze tolu (3), iha faze primeiru sé mak lakon ona nia tenke sai kedan, segunda faze sé mak lakon sai kedan ona to’o faze terseiru mak deside loos, se mak liu mak tama. Atu nune’e ,buat hotu bele transparansia no justu, tanba horseik ami deside ona ida-ne’e,” Xanana dehan.

Prosesu teste antes ne’e

Bazeia ba informasaun foun iha tinan 2025-2026, rekrutamentu ba ajente foun Polísia Nasionál Timor-Leste (PNTL) nian la’o hela ho teste sira.

Pontu Xave Rekrutamentu PNTL 2025/2026:

Kandidatu Barak: Aplikante hamutuk 13.772 rejista ona maibé 10.000-resin mak liu teste sira no tuir teste médiku.
Vaga Limitadu: Maske kandidatu barak mak pasa ona teste balun, na’in-400-resin de’it mak foti ba teste médiku.
Teste Fiziku no Entrevista: Kandidatu sira komesa ona tuir teste fíziku no entrevista iha Novembru 2025.
Teste Médiku (2026): Iha Fevereiru 2026, teste médiku komesa ona iha KFP Komoro, Dili.
Kritériu: Kandidatu ne’ebé hetan valór 60 ba leten mak foti ba teste saúde.

Prosesu Teste: Prosesu teste mak hanesan tuir mai ne’e;