DILI, 13 Maiu 2026 (TATOLI)–Kandidatu estudante Akademia Militár Konjuta 2026 hamutuk na’in-19 ne’ebé pasa uluk ona ba faze teste médiku hahú tuir teste aptidaun fiziku, Kuarta ne’e, iha Sentru Instrusaun Komandante Nicolau Lobato (CICNL, sigla portugés), Metinaru.
Kandidatu estudante Akademia Militár Konjunta na’in-19 ne’ebe submete uluk teste aptidaun fiziku kompostu husi mane na’in-16 no feto na’in-tolu.
Kandidatu sira hahú konsentra iha Sentru Instrusaun Komandante Nicolau Lobato Metinaru ne’e hahú tuku 5:00 no tuku 6:00 sira tama formatura no teste aptidaun hahú iha tuku 08:00.
Durante teste, Komisaun akompaña no transporta kandidatu sira ba Metinaru atu asegura prosesu teste la’o ho di’ak no tuir prosedimentu ne’ebé estabelese ona.
Prezidente Komisaun Téknika Rekrutamentu no Admisaun Akademia Militár Konjuta, Nuno Corvelo Sarmento, hateten, iha loron 11 Maiu 2026 kandidatu hamutuk na’in-139 mak submete ba teste saúde iha Ospitál Nasionál Guido Valadares (HNGV).
“Husi númeru ne’e, mane hamutuk na’in-107 no feto na’in-32. Sira hotu sei liuhusi prosesu selesaun rigorozu atu determina kandidatu sira ne’ebé loos merese tama iha Akademia Militar Konjunta,” Nuno Corvelo hateten ba Jornalista sira iha Sentru Instrusaun Komandante Nicolau Lobato, Metinaru,hafoin akompaña kandidatu sira teste aptidaun.
Notísia relevante : Aplikante na’in-214 Akademia Militár Konjunta 2026 partisipa iha prova kulturál
Nia dehan, prosesu selesaun ne’e hanesan parte ida husi Komisaun nia esforsu ne’ebé mai husi Ministériu Defeza, FALINTIL-ForsaDefeza Timor-Leste (F-FDTL), Institutu Defeza Nasionál (IDN) atu prepara rekursu umanu militar ne’ebé profissional, disiplinadu no iha kapasidade atu serví nasaun no povu Timor-Leste ho responsabilidade no patriotizmu a’as.
Kandidatatu sira ne’ebé ohin mai tuir provas fizíka ne’e kualifikadu nune’e avansa ba prova aptidaun fízika, foin daudaun kuaze 139 submete mós ba teste médiku no konsege liu na’in-19 no sira ne’e grupu primeiru.
Prezidente Komisaun dehan, sei iha tan grupu tuir mai tanba kandidatu balun nia rezultadu médiku seidauk. Ba hirak ne’ebé sai ona na’in-19, ohin mai tuir teste.
Nia mós apela ba kandidatu sira ne’ebé la liu tanba problema saúde atu buka médiku espesialista hodi halo tratamentu adekuadu ba kondisaun fizíka.
“Hau mós hakarak aproveita apela ba kandidatu sira ne’ebé mak la liu, tanba iha buat ruma hanesan ita-nia saúde ladi’ak, labele para iha ne’e, sira tenki ba buka médika espesialista ida konsulta para depois halo tratamentu adekuadu ba kondisaun fizíka,” nia katak.
Kandidatu sira ne’ebé liu teste aptidaun sei kontinua ba teste psikolójiku atu haree sira-nia kapasidade intelektuál no lideransa atu prepara-an ba situasaun operasionál iha futuru.
Iha fatin hanesan, responsável ba teste fíziku, Major Adelino Vilela, hateten, kandidatu 19 ne’ebé pasa ona iha prova médiku sei halo teste iha estasaun sia kandidatu sira sei liu hotu estasaun kuandu iha teste ne’e mak falla ida maka sira sei elemina.
“Ohin ita halo teste provas ba kandidatu hamutuk 19 ne’ebé pasa ona iha provas médiku, iha ne’e ita provas iha estasaun sia hakarak ka lakohi tenke pasa estasaun,” Majór Adelino Vilela, tenik.
Iha teste sira ne’e kandidatu mane no feto tenke kumpri padraun diferente hanesan push-up no estasaun brasu, abdominál, pull ups, salto em ex, 60 metru, cooper 2400 no porquito.
“Kona-ba altura, ita la sura naran katak kuandu pur quista ne’e iha metru 14 a’as ne’e metru 5 komesa ita la’o ne’e komesa arpitu lian ita komesa la’o ona sé la to’o minutu 1 ne’e di’ak liu sei liu ita elemina kedas,” Major Adelino Vilela, informa.
Rekorda fali katak iha Kuarta (06/05) foin lalais ne’e Komisaun Téknika ba Rekrutamentu Kandidatu estudante Akademia Militár Konjuta 2026 hahú fonte prova kulturál ba kandidatu Akademia Militár Konjuta hamutuk 214.
Husi teste ne’e, na’in-139 mak pasa ba teste prova kulturál hodi kontinua ba teste médiku, enkuantu na’in-75 la admite iha prova kulturál.
Kandidatu estudante Akademia Militár Konjunta na’in-139 ne’ebé pasa iha prova kulturál, nune’e iha loron Segunda (11/05) foin lalais ne’e kandidatu sira submete ba teste médiku iha HNGV no iha na’in-19 mak konfirmadu pasa iha teste médiku.
Jornalista : Natalino Costa
Editora : Julia Chatarina
