DILI, 29 Juñu 2026 (TATOLI)—Kanadá asegura vitória dramátiku 1-0 hasoru Áfrika Súl iha Jornada 32 Kopa Mundiál 2026 nian. Golu ida iha minutu ikus asegura Les Rouges nia fatin iha Jornada 16.
Jogu entre nasaun rua hala’o iha Estádiu SoFi, Inglewood, Segunda madrugada, oras Timor-Leste nian.
Bainhira jogu hahú ekipa rua fó kedan presaun ba malu. Áfrika no Kanadá hala’o jogu atake ida ne’ebé brillante.
Iha minutu daneen, Áfrika ameasa liuhusi Teboho Mokoena, maibé nia suta salva hosi Maxime Crepeau.
Hafoin ne’e, Kanadá hetan kontrolu liután ba bola. Jesse March nia ema sira konsege ataka Áfrika, ne’ebé defende ho metin iha kotuk.
Molok pauza bee nian, Kanadá iha oportunidade ida liuhusi Derek Cornelius nia kabesa. Bola ne’e salva fali husi guarda-redes Áfrika Sul nian, Ronwen Williams.
Hafoin deskansa, Kanadá kontinua iha pose barak liután. Maibé, sira luta atu kria oportunidade loloos ruma hasoru Áfrika.
Iha minutu 44, oportunidade osan-mean rua ba Kanadá mai husi kantu sira. Primeiru mai husi kabesa ida husi Moise Bombito, ne’ebé salva husi Aubrey Modriba iha kedas baliza nia oin. Situasaun sai aat liután ba funu ida, no rebote monu ba Tajon Buchanan, maibé Williams salva fali.
Liutiha minutu ida, Kanadá mós apela penalidade ida hafoin Khuliso Mudau hamonu Richie Laryea iha área penalidade súl-afrikanu nian. Árbitru verifika VAR no deside katak laiha falta. Lakleur depois, primeira parte remata ho 0-0.
Jogu segunda parte la’o ba oin, intensidade jogu nian aumenta. Áfrika-Súl hahú fó ameasa oioin ba baliza Kanadá nian.
Iha minutu 64, Oswin Appollis lansa suta ida ne’ebé maka’as husi área penalti nia liur. Nia suta sai de’it dook hosi baliza Kanadá nian.
Iha minutu 65, Kanadá hetan tan oportunidade osan-mean ida. Iha kontra-atake lalais, Tani Oluwaseyi duni bola ba kaixa penalidade no konsege hetan suta ida. Williams para ida-ne’e, maibé rebote ne’e tama iha rede. Mbekezeli Mbokasi halo salvasaun eroiku ida. Eskoru mantein 0-0.
Kanadá ameasa fali Áfrika-Súl iha minutu 76. Iha tempu ida-ne’e, Promise David nia suta, hafoin joga husi Alphonso David, sai dook husi baliza afrikanu.
Hafoin ne’e, Áfrika avansa ho oportunidade oioin husi Appollis. Maibé, Kanadá hetan sorte iha minutu ikus.
Iha tempu adisionál, Kanadá ikus mai marka golu. Stephen Eustaquio kontrola rebote husi kruzamentu Alistair Johnston nian, ne’ebé mak hamoos husi jogadór afrikanu ida, no lansa suta maka’as ida ba baliza afrikanu nian. Williams la konsege trava ida-ne’e, no bola tama liu ba rede laran.
Kanadá hetan vantajen 1-0 no mantein ba restu tempu adisionál nian. Kanadá kualifika ba jogu 16 ikus husi Kopa Mundiál 2026, enkuantu Áfrika Súl hetan eliminasaun.
Alineasaun ba jogadór sira
Áfrika-Súl:
Ronwen Williams; Aubrey Modiba, Mbekezeli Mbokazi, Ime Okon, Khuliso Mudau; Yaya Sithole, Teboho Mokoena; Oswin Appollis, Relebohile Mofokeng (Thalente Mbatha 45′), Thapelo Maseko (Tshepang Moremi 86′); Evidence Makgopa (Iqraam Rayners 86′)
Kanadá:
Maxime Crepeau; Richie Laryea, Derek Cornelius, Moise Bombito (Luc de Fougerolles 59′), Alistair Johnston; Liam Millar (Jacob Shaffelburg 70′), Stephen Eustaquio, Nathan Lintasa (Niko Sigur 59′), Tajon Buchanan (Alphonse David 75′); Tani Oluwaseyi (Promise David 70′), Jonathan David.
Jornalista : Hortêncio Sanchez
Editór : Cancio Ximenes
