KOVALIMA, 01 Jullu 2026 (TATOLI)–Hahú Janeiru to’o Juñu ne’e, Autoridade Kovalima (AK) liuhusi Servisu Munisipál Finansa (SMF), ezekuta ona Orsamentu Jerál 2026 atinje ona 46,1% husi orsamentu hamutuk $9,508,735.00 ne’ebe Governu sentrál aloka ba munisipiu Kovalima.
OJE 2026 prevee ba Kovalima iha kategória lima maibé foin mak ezekuta iha kategória tolu mak hanesan Salariu no Vensimentu $2,203,277.00 husi orsamentu ne’e ezekuta ona $1,046,560.22, Saldo atual $1,156,666.78 ho nia ezekusaun 47.5%, bens no servisu hamutuk $832,486 ezekuta ona $187,289.75, saldo atual $256,641.45, transferénsia Públika $4,061,558.00, ezekuta ona $2,210,214.10, saldo atual $424 953.15.
“Ezekusaun orsamentu ba kategória lima foin ezekuta ba kategória tolu mak hanesan salariu vensimentu,bens no servisu no transfénsia públiku mak halo ona ezekusaun orsamentu ba kategória sira hanesan orsamentu kapitál dezenvolvimentu no kapitál menór ezekusaun sei iha prosesu,” Diretora Servisu Munisipál Finansa, Rozita Simei Freitas relata dadus ne’e ba Jornalista sira,iha AMC.
Orsamentu 2026 ne’ebé autoridade Kovalima foin ezekuta iha kategoria sira hanesan salariu vensimentu, Bens no Servisu no Transferénsia Públiku ezekusaun orsamentu boot ba Tranferénsia Públiku tanba gastu orsamentu ba Programa Nasionál Dezenvolvimentu Suku (PNDS), Merenda Eskolár no mós ba suku sira.
“Razaun orsamentu kapitál dezenvolvimentu no kapitál menór ezekusaun sei iha prosesu ezekutasaun tanba sei halo avaliasaun ba dokumentu ba projetu sira ne’ebé mak atu implementa iha 2026 ne’ebé mak seidauk halo pagamentu bainhira halo ona pagamentu ita garante ezekusaun orsamentu bele atinji ona 50%” nia dehan.
Jornalista: Celestina Teles
Editór: Florencio Miranda Ximenes.
