OEKUSI, 01 Jullu 2026 (TATOLI) – Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu, kuarta ohin, selebra Nota Intendimentu (Memoramdum of Understanding – MoU) ho ekipa Rotary Club atu fornese bee-moos ba estabelesimentu ensinu sira inklui komunidade iha Oekusi.
“Asina MoU ne’e, Rotary Club prontu atu-bele suporta ba instalasaun filtru bee-moos ba iha Oekusi, liliu ba eskola no komunidade sira,” Koordenadór ekipa Rotary Club, Adriano Maria de Jesus, hateten, ba jornalista sira iha salaun Gabinete RAEOA, ohin.
Atuál Diretór Dom Bosco Fudasaun Eskola Téknika iha Timor-Leste ne’e, konfirma katak, daudaun ne’e ekipa Rotary Club konsege halo ona instalasaun filtru bee-moos iha eskola hitu no tuir planu iha tinan ida sei instala ba eskola 20 iha territóriu Oekusi.
Tanba ne’e ia dehan, instalasaun filtru bee-moos, iha kritériu mós primeiru kona-ba fatin ne’ebé atu halo instalasaun tenki iha ona bee-moos la’ós bee-masin, tanba projetu ne’e laiha kanalizasaun ba bee-moos maibé utiliza de’it bee-moos ne’ebé ejiste nanís ona.
“MoU ohin ne’e, laiha limitasaun ka durasaun tempu, maibé sei kontinua to’o ekipa Rotary Club dehan, projetu ne’e finaliza ona maka foin termina loloos projetu ne’e, tanba tuir planu eskola sira inklui komunidade tenki hetan ona instalasaun fitru bee-moos,” nia hateten.
Notísia relevante:Populasaun Oekusi, 22% mak seidauk asesu bee-moos ho di’ak
Prezidente Autoridade RAEOA, Régio da Cruz Salu, konsidera asina MoU ne’e reprezenta kompromisu rua, primeiru atu kontinua haree povu nia kualidade vida liliu oan sira iha eskola.
Kompromisu daruak daruak kona-ba serbisu hamutuk ho igreja liuhusi Dom Bosco no parsériu dezenvolvimentu sira iha área espesifiku liliu ba polítika sosiál Oekusi nian, tanba projetu ne’e sei kobre área úrbana no rurál sira.
“Projetu ne’e importante atu apoia ita hodi hadi’a kualidade bee, ne’ebé sei instala iha sistema ejístensia iha eskola sira, ne’e bee-moos la presiza nono ona, entaun ne’e advokásia importante bao an sira bele konsumu iha eskola, no bele lori filafali ba uma no sosiedade, nune’e ita bele moris ho vida prátika saudavél tanba projetu ne’e hahú husi eskola,” nia hateten.
Iha biban ne’e, Autoridade másina Oekusi ne’e, kompromete, sei koordena mós ho autoridade lokál sira iha suku hothotu, sentru saúde no postu saúde, atu identifika sistema bee-moos ne’ebé eziste ona iha área rurál presiza hadi’a liuhusi fasilitasaun tékniku no dadús husi Serbisu Rejionál Água Saneamentu no Ambiente Oekusi nian.
Entretantu, atu hametin no implementasaun projetu sosiál ne’e iha Oekusi, asaun ne’e bazeia duni ba kuadru legál no konstitusionál Repúblika Demokrátika Timor-Leste nian:
- Lei No. 3/2014 (Estatutu Jurídiku RAEOA no ZEESM nian): Fó kbiit rasik ba Autoridade RAEOA atu tau matan, halo planu, no implementa polítika ba dezenvolvimentu sosiál, saúde públika, edukasaun, no infraestrutura bázika (inklui bee no saneamentu) iha nia área jeográfika nia laran.
- Konstituisaun Federál (CRDTL) – Artigu 57 (Saúde): Estabelese katak sidadaun hotu-hotu iha direitu ba saúde no iha devér atu defende ida-ne’e, ho Estadu nu’udar responsabilidade atu promove hadi’a kondisaun moris no garante asesu ba sasán públiku esensiál sira, hanesan bee-hemu, ba prevensaun moras.
- Dekretu Ministeriál kona-ba Parseria sira ho Organizasaun Naun-Governamentál sira (ONG): Regula asinatura memorandu no akordu sira ba kooperasaun téknika no finanseira entre Estadu timoroan no instituisaun filantrópika ka solidariedade sosiál (hanesan Klubu Rotáriu no misaun Saleziana sira Don Bosco nian), hodi valida koordenasaun esforsu sira komunidade nian ba dezenvolvimentu.
Jornalista: Abílio Elo Nini
Editór: Rafael Ximenes de A. Belo
