COVALIMA, 15 dezembru 2022 (TATOLI)–Diretór Programa Nasionál Dezenvo;vimentu Suku (PNDS) munisípiu Covalima, Filipe Cardoso, informa benefisiáriu ba programa Uma Kbiit Laek Plus A (UKL+ A) iha postu administrativu Maucatar, muisípiu Covalima hamutuk uma kain 75.
Notísia Relevante: Iha Covalima, implementasaun UKL+ A iha faze aprovizionamentu
“Ita-liga utiliza Orsamentu Jerál Estadu 2022, ba PNDS liu-liu implementa programa UKL Plus A ne’ebé implementa iha postu administrativu Maucatar ne’e ho benefisiáriu hamutuk uma kain 75,” Filipe Cardoso informa ba Agência Tatoli iha nia kna’ar fatin, Sukaer Laran, kinta ne’e.
Daudaun ne’e, implementasaun programa UKL Plus A nia-prosesu tama ona faze aprovizionamentu, signifika hein de’it fornesedór ne’ebé manán atu distribui materiál konstrusaun atu konstrui UKL+ A.
Durante, implementa programa UKL plus A iha postu Maucatár, kandidatu fornesedór sira iha vontade atu fornese material konstrusaun.
“Iha momentu distribuisaun, submete sira-nia kuotasaun mai ami rejista ne’e kuaze 80%, fornesedór nivél postu tau interrese boot ba iha distribuisaun material konstrusaun, “ nia informa.
Aleinde relata dadus programa UKL plus A, dire6tór ne’e mós relata programa UKL plus B ne’ebé sei implementa iha postu administrativuSsuai iha suku lima.
Iha postu administrativu suai ne’ebé kobre suku lima, benefisiáriu elijivél bazea ba lista ne’ebé aprovadu husi administradór postu administrativu ne’e hamutuk ema na’in-185.
Implementasaun programa UKL plus B nia sistema aprovizionamentu sentralizadu iha unidade Administrasaun aprovizionamentu iha Ministériu no prosesu faze implementasaun hein oráriu distribuisaun zinku mai hosi nasionál.
“Ita foin submete lista finál ne’ebé aprovadu hosi administradór postu bazea lista finál ita submete ba sekretáriu PNDS nasionál, hafoin ajusta kalendáriu distribuisaun zinku, komunikasaun entre munisipiu ho nasionál efetivu hela, nune’e oráriu tun ami sei informa ba autoridade lokal hodi bele halo lansamentu,” nia hateten.
Jornalista : Celestina Teles
Editór : Cancio Ximenes
