DILI, 16 novembru 2022 (TATOLI)—Parlamentu Nasionál (PN) aprova proposta Orsamentu Jerál Estadu (OJE) 2023 ho montante $647,806 ba TATOLI-Agência Noticiosa de Timor-Leste, Institutu Públiku (TATOLI, I.P) iha espesialidade ho votu a-favór 42, kontra ida no abstensaun 17.
“Nune’e orsamentu ba TATOLI-Agência Noticiosa de Timor-Leste, Institutu Públiku pasa,” Prezidente PN, Aniceto Longuinhos Guterres Lopes, hateten iha debate proposta OJE 2023 faze espesialidade iha PN, kuarta ne’e.
Tuir livru orsmentál ba tinan oin, hosi montante orsamentu ne’e TATOLI, I.P hodi implementa programa garante liberdade espresaun no asesu informasaun prevee $ 393,774 ho sub-programa garante asesu informasaun ho atividade reforsa funsionamentu instituisaun, garante fasilidade no ekipamentu serbisu adekuadu no modernu, reforsa serbisu redasaun expande konteúdu no asegura kualidade.
Orsamentu ne’e mós ba programa boa-governasaun no jestaun instituisionál $54,032 ho sub-programa boa-governasaun no atividade rua (2), sub-programa jestaun instituisionál ho atividade tolu (3).
Jornalista : Nelson de Sousa
Editór : Cancio Ximenes
