DILI, 20 dezembru 2019 ( TATOLI) –Estudante finalista Universidade Oriental Timor Lorosa´e (UNITAL) kompostu husi fakuldade hitu hamutuk na´in 567 durante tinan haat estuda iha universidade kompleta ona sira-nia grau akadémiku iha nível lisensiatura.
Fakuldade hitu ne’e mak Fakuldade Siénsia no Polítika hamutuk na’in 39, Fakuldade Ekonomia na’in 27, Fakuldade Direitu na’in 39, Fakuldade Enjeñaria na’in 144 no Fakuldade Siênsia Saúde na’in 36. Enkuantu, Fakuldade rua seluk hanesan Fakuldade Edukasaun no Fakuldade Agrikultura sei realia iha parte lorokra´ik.
Notísia relevante:UNITAL Kompromete Hadi´a Sistema
Magnífiku Reitór UNITAL, Florindo Pereira hateten, graduasaun tan estudante finalista 567 iha tinan ne´e, númeru graduadu UNITAL nian aumenta ona ba ema 2.878.
“Papel ami nian mak atu prepara joven sira-nia futuru ho kualidade. Tanba ne’e mak programa doutoramentu lubuk ida mak ita prienxe ona no balun fila ona husi sira-nia estudu iha rai liur”, dehan Reitór Florindo Pereira ba graduadu sira iha salaun UNITAL Becora, ohin.
Notísia relevante:UNITAL Eleva Kualidade, Reforsa Jestaun Instituisaun
Nia dehan, sivitas akadémika universidade durante ne’e hala’o, esforsa maka´as hodi prepara rekursu umanu ba futuru atu kontinua fali lidera rai doben ida ne’e espesial atu lori mudansa foun ba progresu UNITAL nian iha futuru.
“Universidade ne’e iha mehi bo’ot ba futuru atu prepara ninia kondisaun ida diak liu hodi lori instituisaun privada ne’e hetan atu hetan liután progresu,” garante reitór estabelesimentu ensinu superiór privada ne´e.
Notísia relevante: UNITAL Haruka Dosente 58 Kontinua Estudu Iha Estranjeiru
Jornalista : Tomé Amado
Editór : Rafy Belo
