DILI, 15 janeiru 2020 (TATOLI) – Ekipa konjunta husi Komisaun Anti Korrupsaun (CAC-sigla portugés), Komisaun Funsaun Públiku (CFP-sigla portugés), Provedoria Direitu Umanu no Justisa (PDHJ), Diresaun Nasional Transporte no Terrestre (DNTT), Diresaun Nasional Patrimóniu Estadu (DNPE), Polisia Nasional Timor-Leste (PNTL) ho Inspektór Jerál Estadu (IGE-sigla portugés) sei kontinua halo vizita surpreza ba instituisaun Estadu ho órgaun autónomu sira Estadu nian atu bele promove boa governasaun.
Notísia Relevante : AJAR Husu KAK Kontinua Halo Operasaun ba Veíkulu Estadu
Ekipa konjunta ne’e mós sei kontinua halo operasaun iha loron feriadu nasionál no sábadu ho domingu, ba veíkulu Estadu nian ne’ebé uza la tuir orden servisu.
“Ita presiza halo bei-beik intervensaun atu bele hatuur valor no integridade instituisaun Estadu nian no utilizasaun patrimóniu Estadu nian ba interese Estadu,” hateten Adjuntu Komisáriu KAK, Luis Oliveira Sampaio, ohin, ba Ajénsia TATOLI iha Edifísiu KAK, Faról, Dili.
Nia dehan, iha tinan 2019 ekipa konjunta sira hala’o ona vizita surpreza ba instituisaun sira ne’ebé hala’o knar iha hanesan Fronteira Batugade, Tunubibi, Salele, Aeroportu sira, Portu Dili, DNTT, AIFAESA, SEFOPE MSSI no Ministériu Saúde. Tanba ne’e, iha tinan 2020 programa ne’e sei kontinua iha kualkér tempu no iha kualkér situasaun.
Notísia Relevante : FONGTIL Husu KAK Kontinua Investiga Kazu Ne’ebé Fó Prejuizu ba Estadu
Jornalista : Domingos Piedade Freitas
Editór : Francisco Simões
