iklan

NASIONÁL, INTERNASIONÁL, DILI, HEADLINE

Indonézia Rejeita Taka Fronteira Terrestre

Indonézia Rejeita Taka Fronteira Terrestre

Koordenadór Funsaun ba Informasaun Sosiu no Kultura Embaixada Indonézia iha Timor-Leste, Bangbang Uroanto.Imajen/TATOLI:Hontencio Sanzhes

DILI, 16 marsu 2020 (TATOLI) – Governu Indonézia liuhosi ninia Embaixada iha Dili, segunda (16/3/2020), rejeita informasaun kona-ba desizaun Governadór Provínsia Nusa Tenggara Timur hodi taka provizóriu movimentu ema iha Fronteira Terrestre Motain, Batugade no fatin seluk tan hodi prevene infesaun coronavirus.

Koordenadór Funsaun ba Informasaun Sosiál no Kultura Embaixada Indonézia iha Timor-Leste, Bambang Purwanto, informa to’o segunda ohin, nia parte seidauk simu informasaun ruma hosi Governadór Provínsia Nusa Tenggara Timur (NTT) hodi taka provizóriu fronteira Terrestre ne’ebé tuir planu sei akontese iha tersa (17/03/2020).

Nia dehan, bainhira atu foti desizaun ruma, Indonézia sei konsulta ho Estadu Timor-Leste hodi hetan konkordansia hamutuk, la’ós desizaun parte ida nian de’it.

“Hahú hosi sesta (14/03/2020)to’o agora ami seidauk iha desizaun ruma hosi governu liuhosi provínsia Nusa Tengara Timur (NTT) atu taka provizória fronteira rai rua nian,” dehan Bambang ba Agência TATOLI, iha KBRI Faról Dili, segunda ohin.

Bambang esplika informasaun ne’ebé foinlalais públika hosi mídia Indonézia ne’e la-loos, tanba ne’e husu públiku atu labele konsome informasaun ne’ebé espalla ona.

“Informasaun ne’ebé fó sai lá akuradu, ami akompaña hela prosesu agora movimentu iha fronteira la’o normal hela hanesan baibain,”tenik tan.

Jornalista : Hortencio Sanchez

Editór     : Agapito dos Santos

iklan
iklan

Leave a Reply

iklan
error: Content is protected !!