DILI, 03 setembru 2020 (TATOLI)-Magnífiku Reitór Institute Of Bussines (IOB), Augostoda Conceição Soares, hateten Governu Xina fó ona apoiu osan pruvolta $ 38.000 hodi instala ona eskritóriu Institute Confosius Clase Room (ICCR) hodi loke kursu lian mandarin ba estudante sira.
“Ita halo ona preparasaun ba inskritóriu ne’e tanba osan sira haruka ona mai ita, ne’e duni kuandu COVID-19 ne’e mak ramata ona ita sei realiza serimonia lansamentu hodi bele hahú ona kursu ne’e,” informa nia ba Tatoli iha IOB Fomento Dili.
ICCR ninia ekipa jestaun maihosi parte rua IOB no Governu Xina, no parte rua mós sei nomeia ema ida ba kargu Diretór hodi servisu hamutuk atu jere programa ne’e.
“Ho nune’e IOB aumenta tan ho kursu língua mandarin bele konsidera iha ona língua haat mak ejiste hanesan Portugés, Ingles, Melayu no Mandarin,” tenik tan.
Jornalista : Tomé Amado
Editór : Agapito dos Santos
