DILI, 09 setembru 2020 (TATOLI)-Estudante finalista husi Universidade da Paz hamutuk ema na’in 1.347 sei hetan graduasaun iha loron 21 fulan-dezembru 2020 iha Dili.
Reitór UNPAZ Adolmando Amaral, relata estudante hirak ne’e estuda iha fakuldade ekonommia, diretu, siénsia sosiál no humana, saúde públika, enjinária no teknólojia agrikula.
Notísia Relevante :UNPAZ Sei Gradua Estudante Finalista Na´in 1.589
“Ami nia estudante finalista sira ne’e agora iha ona faze ezame proposta obra siéntifiku, ramata ezame proposta sira sei halo peskija, depois mak foin aprezenta relatóriu peskija iha ezame finál hodi hakat ba yudisium iha kada fakuldade,” dehan nia ba Tatoli via telefone, kuarta ne’e.
Kona-ba yudisium, UNPAZ seidauk fó sai data fiksu tanba sei hein prosesu ezame finál husi estudante finalista hirak ne’e tanba balun seidauk halo ezame.
Notísia Relevante :Reitór UNPAZ “Ho Matan-Been” Hato´o Lia-Menon Ba Judisiáriu 390
Jornalista : Tomé Amado
Editór : Agapito dos Santos
