DILI, 29 outubru 2020 (TATOLI)—Estudante finalista husi Dili Institute Technology (DIT), hamutuk ema na’in 491 iha kinta ne’e hetan ona graduasaun lisensiatura (S1) no mestradu (S2).
Serimonia graduasaun ne’e selebra iha Sentru Konvensaun Dili (CCD-sigla portugés) Dili.
Notísia Relevante :IOB-UNPAZ seidauk simu kalendáriu graduasaun husi Governu
Graduadu hirak ne’e antes ne’e estuda iha fakuldade haat ho ninia departamentu 12 hanesan Bussines and Management na’in 171, Fakuldade Marketing, Finance Management, Public Management no Human Resource.
Fakuldade Turizmu and hospitality na’in 73, kompostu husi Turizmu, Tour and Travel Management.
Fakuldade Enjinering and sience na’in 115, kompostu husi Civil Enjinering, Computer Sience no Mechanical Enginering no mós Fakuldade Petroleum Studies na’in 105 husi Bussines of management, School of Tourism and hospitality.
Magnífiku Reitór DIT, Alvaro Menezes Amaral, husu ba graduadu sira atu uza matenek ne’ebé iha hodi serví família, komunidade, sosiedade no nasaun.
“Ha’u husu ba graduadu sira mak sai solusaun hodi rezolve problema ne’ebé mak ita-nia komunidade no sosiedade sira enfrenta,” nia dehan ba Tatoli iha CCD, ohin.
DIT halo ona graduasaun ba dala 13, no husi graduadu pursentu 93 husi Fakuldade Turizmu no Ospitalidade hetan ona servisu.
Nune’e mós Fakuldade Siénsia no enjinária pursentu 97, no Bussines and Management, Fakuldade Petroleum Studies iha pursentu 50.
Entretantu, DIT daudaun ne’e iha estudante ativu 4.300-resin ho dosente hamutuk 193 ne’ebé hasai ona doutoramentu (S3) no mestradu (S2).
Notísia Relevante :IPB sei fó graduasaun dahuluk ba estudante finalista 158
Jornaista : Tomé Amado
Editór:Agapito dos Santos
