iklan

HEADLINE, SAÚDE

MS husu públiku labele dezmotiva servisu médiku

MS husu públiku labele dezmotiva servisu médiku

Diretora Jeral Prestasaun Saude Ministeriu Saude, Odete Viegas da Silva. Imajen Tatoli/Antonio Goncalves

DILI,29 outubru (TATOLI)—Ministériu Saúde liuhosi Diretora Jerál Prestasaun Saúde, Odete  da Silva Viegas apela ba públiku atu respeita no dezmotiva servisu profisionál saúde sira-nia iha Timor-Leste.

Eis Ezekutiva Ospitál Nasionál Guido Valadares (HNGV-sigla portugés) hato’o kestaun ne’e hodi responde akuzasaun públiku ne’ebé akuza Ministériu Saúde liuhosi Ekipa Jestaun COVID-19 maka prodúz dadus laloos kona-ba pasiente konfirmadu COVID-19 tanba sempre akontese iha fin kada fulan iha Timor-Leste.

Notísia Relevante :Indonéziu ida detetadu pozitivu COVID-19

“Tanba ne’e husu ba publiku fó komentáriu ruma ne’ebé mak di’ak no fó motivasaun di’ak ba profisionál sira labele fó komentáriu ida ne’ebé atu hamate espíritu servisu profisionál saúde sira,” nia hateten iha Caicoli, kuarta (28/10).

Ministériu Saúde nunka hanoin atu prodúz dadus falsu relasaun ho COVID-19.Maibé COVID-19 hanesan pandemia globál ida sériu presiza atu prevene no kombate.

“Maibé ita tenke agrades  Nai Maromak tanba ita haree nasaun hotu-hotu ema mate barak tanba COVID-19 agora ita Timor di’ak liu hatene uluk duke ita la hatene ema ne’e fila ba uma mak pozitivu entaun ita iha ona transmisaun lokál ne’ebé situasaun agora daudaun ne’e ita mos tenke halo reflesaun ba ita nia an katak Maromak tulun hela ita maske ema barak kestiona kona-ba moras COVID-19 iha Timor -Leste,” nia dehan.

Tanba ne’e nia husu ba Timoroan hotu-hotu atu servisu hamutuk ho profisionál saúde sira hodi kombate no prevene transmisaun Coronavirus iha rai-laran.

Notísia Relevante :Pasiente COVID-19 husi Pakistaun Rekuperadu

Jornalista : Felicidade Ximenes

Editór:Agapito dos Santos

iklan
iklan

Leave a Reply

iklan
error: Content is protected !!