iklan

HEADLINE, SAÚDE

2021, ADMTL sei rekolla dadus kona-ba defisiénsia matan iha TL

2021, ADMTL sei rekolla dadus kona-ba defisiénsia matan iha TL

Diretor Ezekutivu Asosiasaun Halibur Defisiénsia Matan Timor-Leste (AHDMTL), Gaspar Afonso.Imajen/Joanico de Araújo.

DILI, 05 novembru 2020 (TATOLI)—Asosiasaun Halibur Defisiénsia Matan Timor-Leste (AHDMTL) iha tinan 2021 sei rekolla dadus kona-ba ema ho defisiénsia matan iha territóriu Timor-Leste (TL).

Tanba tuir dadus husi sensu uma-kain 2015 rejista ema ho defisiénsia matan iha territóriu Timor-Leste hamutuk 38.118 no husi númeru ne’e 14.828 ho problema matan ne’ebé labele kura.

Notísia Relevante :Defisiénsia matan rihun 14-resin labele kura

”2021 mai ami hakarak  aproveita halo detallu dadus ba ema ho difisiénsia matan, ami hakarak hatene  husi tinan 0 to’o 05 ema matan la haree ne’e na’in hira no husi tinan 05  ba to’o 10, husi tinan 10 ba 15  to’o 45  no idozu ne’e na’in hira,  mane hira,  feto hira,’’ dehan Diretór Ezekutivu Asosiasaun Halibur Defisiénsia Matan Timor-Leste, Gaspar Afonso, ba Tatoli iha ninia servisu fatin, kinta ne’e.

Nia dehan husi peskiza ne’e atu halo mós klasifikasaun kona-ba defisiénsia matan Timor-Leste na’in hira maka sofre moras matan katarata, pterygium no seluk tan.

“Agora daudaun dadus seidauk fiksu ita bazeia ba dadus tinan 2015 nian entaun kona-ba organizasaun AHDMTL ninia dadus seidauk detallu tanba ne’e mak tinan oin implementa mak foin hatene loloos dadus sira ne’e,’’nia hateten.

Tuir nia to’o agora AHDMTL mós seidauk iha dadus detallu kona-ba sidadaun defisiénsia na’in hira maka oras ne’e servisu iha Instituisaun Estadu no Privada hodi apoiu prosesu dezenvolvimentu.

Notísia Relevante :Defisiénsia rihun 25 seidauk asesu edukasaun

Jornalista : Felicidade Ximenes

Editór:Agapito dos Santos

iklan
iklan

Leave a Reply

iklan
error: Content is protected !!