DILI, 18 fevereiru 2021 (TATOLI)—Janeiru to’o dezembru 2020, Hospitál Nasionál Guido Valadares (HNGV) rekolla $331.370 hodi hatama ba kofre Estadu.
“Orsamentu ne’e maihosi kobransa reseita Ospitál nian durante tinan tomak ne’ebé sei tau duni ba kofre Estadu tanba laiha má jestaun,” Diretór Administrasaun Finansa no Lojístika, HNGV, Duarte Marçal de Araújo hateten ba jornalista Agência Tatoli, kinta (18/02).
Notísia Relevante:2020, HNGV atende pasiente 22.652
Kategoria kobransa ne’ebé iha mak hanesan atestadu médiku $33.831, Amarela reseita $910, aluga fatin Sentru Matan $4.950, Sentru Matan $ 1.030, jinekolojia $1.447, fisioterapia $730, operasaun $6.500, X-Ray $18.887, OPD $3.153.
Hosi Pediatria $1.783, emerjénsia $5.180, VIP $119.778, Medisina Interna $3.041, Sirurjia $927, endoscopy $2.226, maternidade $5.439, medikál chek up $41.913, Medisina homen $477, Psicteria $480, Medisina mulher $557.
Alende ne’e hosi parte Konsulta nehan $80, konsulta fuan $135, universidade no institutu ne’ebé haruka sira-nia estudante mai pratika iha ospitál hanesan Institutu Superiór Kristál $500, ICU $1.657, Transfere direta ba konta bankária HNGV $75.753, no totál $331.370.
“Ema estranjeiru ne’ebé halo tratamentu iha HNGV ne’ebé hasai X-Ray ba liman ka kabun ne’e nia selu la hanesan, maibé ba Timoroan la selu, eseptu iha VIP,” Duarte Marçal de Araújo subliña.
Notísia Relevante:Ekipa junta médika sujere Governu investe makaas ba HNGV
Jornalista: Felicidade Ximenes
Editór: Cipriano Colo
