DILI, 15 marsu 2021 (TATOLI)—Governu Japaun liu hosi Ajénsia Kooperasaun Internasionál (JICA), oferese tan ekipamentu prevensaun COVID-19, ba Hospitál Nacional Guido Valadares (HNGV).
Ekipamentu hirak ne’e mak hanesan alkól litru 20, hand sanitizer mililitru 100 hamutuk 200 pc, hand sanitizer militru 500 hamutuk 150 pc, luvas ho medida L hamutuk 115 boxes no surgical face mask 200 boxes.
Notísia relevante:JICA apoiu ekipamentu prevensaun COVID-19 ba UNTL
“Sasan-sira ne’e sei fahe ba departamentu tolu mak hanesan nutrisaun, farmásia no Infection Prevention Control (IPC),’’ Xefi Gabinete Kontrolu Kualidade, HNGV, Sara Maria Xavier, hateten ba jornalista-sira iha HNGV, segunda ne’e.
Nia hatutan, JICA oferese sasan hirak ne’e tanba antes ne’e sira-nia ema mai hala’o serbisu voluntáriu iha HNGV iha parte IPC, farmásia no nutrisaun-nian no sira hatene di’ak situasaun iha Ospitál ne’e.
Tanba ne’e, parte HNGV agradese ba JICA ne’ebé apoiu ona ekipamentu-sira ne’e no husu ba pesoál saúde-sira atu utiliza didi’ak hodi fasilita halo atendiemntu ba pasiente sira.
Notísia relevante:JICA apoiu ekipamentu prevensaun COVID-19 ba SEPS
Jornalista: Felicidade Ximenes
Editór: Cipriano Colo
