BAUCAU, 15 Jullu 2021 (TATOLI)—Diretór Obra Públika munisípiu Baucau, Pedro Alexandre Guterres Pereira, hateten, projetu reabilitasaun no manutensaun estrada rurál iha munisípiu Baucau iha tinan ne’e finansia hosi fundu liña munistériu pakote neen no fundu infraestrutura pakote hitu.
“Pakote neen reabilitasaun no manutensaun estrada rurál ho fundu orsamentu liña ministériu diretamente liuhosi prosesu aprovizionamentu obra públika ho totál orsamentu hamutuk $1.854.868,36, ho distánsia kilómetru 80,30,” Diretór informa ba Agência TATOLI, iha ninia knaar fatin, Villa nova, Baucau, kinta ne’e.
Notísia relevante: Kompañia 23 kompete projetu reabilitasaun estrada rúral Baucau
Pokote neen iha postu Venilale suku Lieoli, ariana, Berkoli-Bahamori, postu Vemasse-Kaikoa, Ossouala-Wainkase, postu Baucau villa iha suku Buruma,Teulale-Uatabo, postu Baguia suku Larisula.
Enkuantu, pakote hitu hosi fundu infraestrutura rasik diretamente hosi Komisaun Nasionál Aprovizionamentu (CNA, sigla portugés), ne’ebé semana kotuk kompañia sira submete ona dokumentu ho totál orsamentu hamutuk $4.157.019,09, ho distánsia kilómetru 20,55, iha postu Quelicai suku Afasa, Gurusa, Uaitame pakote haat no iha postu Venilale bá Uaioli pakote tolu.
Jornalista : Natalino Belo
Editora : Julia Chatarina
