iklan

EKONOMIA, HEADLINE

Ró hosi Indonézia atraka iha portu Dili lori kontentór 213

Ró hosi Indonézia atraka iha portu Dili lori kontentór 213

Atividade iha Portu Dili. Imajen TATOLI/Egas Cristóvão

DILI, 27 agostu 2021 (TATOLI)Vogál I Autoridade Portuária Timor-Leste (APOTIL), José Madeira Marques, informa, iha sesta dadeersan ne’e, ró ida hosi Indonézia tula kontentór 213 atraka iha Portu Dili.

“Ró ne’e rasik lori kontentór 20’ fit hamutuk 132 inklui mós freezer kontentór ida, no kontentór 40 fit ne’e 80, maioria sasán ai-han,” Vogál I APORTIL informa iha ninia knar fatin, Portu Dili, Colmera, sesta ne’e.

Aleinde ne’e, kontentór laran iha mós motór no karreta.

“Ró ne’ebé atraka iha portu Dili ne’e sira sempre selu ba Governu tuir dekretu-lei númeru 19/2003, tanba iha dekretu-lei ne’e mak regula atividade, katak atraka oras hira, selu bazeia ba ne’e,” nia esplika.

Ró Selatan Damai aluga hosi empreza nasionál balun iha Timor-Leste.

Jornalista : Natalino Costa

Editora      : Julia Chatarina

iklan
iklan

Leave a Reply

iklan
error: Content is protected !!