iklan

OPINIAUN

Agustu, Nia subjeitus ho linta sira

Agustu, Nia subjeitus ho linta sira

Dionísio de Jesus Lopes.

Poezia

Hosi:

Dionisio de Jesus Lopes

 

Bainhira Agustu sa’e fo-foun

Asu fuik sira hasees-an

Liaun sira taka ibun metin

Mota bo’ot sira sai maran derepenti

 

Lian mídar oi-oin husi Agustu…

Foho sira sai sasin…

Manu lin sira sai sasin…

Subjeitu sira husi liur mo’os sai sasin

 

Agustu hakarak duni

Realiza ninia lian mídar sira…

Maibé iha ninia kadunan a’as ba…

Iha mo’os Linta balun…

 

Linta sira hamnasa…

Dólar neneik…

Hetan ran nurak …

Hakonu sira nia bolsu…

 

Maske ida ne’e,

Subjeitu sira iha konfiansa nafatin ba Agustu

Nia sei halakon no hamonu…

Linta sira ne’e balun iha loron ida

 

Agustu fíar-an katak

Nia lian mídar sira…

Bele realiza iha loron ida

Nia komesa hahú dadaun hela…

iklan
iklan

Leave a Reply

iklan
error: Content is protected !!