DILI, 29 outubru 2021 (TATOLI)—Sala Situasaun, Sentru Integradu Jestaun Krize (CIGC,sigla portugés) relata, ohin, kazu detetadu foun na’in-rua, rekuperadu lima no kazu ativu 47.
”Kazu detetadu foun na’in-rua, hosi Dili laiha, munisípiu Baucau ida no Bobonaro ida, kompostu hosi feto rua,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, sesta ne’e.
Hosi totál kazu detetadu foun ohin, ho idade 20 la iha (0%), idade entre tinan 12 to’o 59 na’in-rua (100%), idade 60 laiha. Hosi kazu detetadu foun rua hatudu sitoma (100%).
Nune’e, hahú 21 marsu 2020 to’o 29 outubru 2021 iha kumulativu kazu konfirmadu 19.787 no óbitu 122.
Hosi horisehik mai ohin, Laboratóriu Nasionál Saúde halo teste PCR 35, kompostu vijilánsia sentinela laiha, rastreiu ba kontaktu la iha, rastreiu aleatóriu 31, viájen internasionál na’in-tolu , follow up iha kuarentena na’in-ida.
Alende ne’e, totál teste PCR ne’ebé halo iha 28 outubru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 46, kompostu hosi Maubisse 10, Maliana na’in-lima, Viqueque na’in-neen, Suai 13, Baucau 60, Ermera na’in-ida, RAEOA la iha, HNGV 70, Lautém na’in-hitu, Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 29 outubru, tuir sistema informasaun Saúde iha Ministériu Saúde, hanesan kumulativu 1ª doze iha Dili (82,0%) no kumulativu 2ª doze iha Dili (73,4%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 73,3% no simu ona doze daruak 47,8%.
Hosi insidénsia COVID-19 iha Timor-Leste, durante loron hitu ikus maka 0,3/100 mil abitante, enkuantu ba deit munisípiu Dili 0,9/100 mil abitante.
Iha loron 29 outubru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu na’in-tolu, moderadu na’in-rua no kaman na’in-ida.
Notísia Relevante: COVID-19: óbitu ida, rekuperadu lima no ativu 50
Jornalista : Felicidade Ximenes
Editór : Florencio Miranda Ximenes
