COVALIMA, 27 outubru 2021 (TATOLI) – Iha pájina istória Timor-Leste nian, seidauk halo iha perfurasaun rai-maran ka Onshore Drilling durante tinan 50 no foin primeira vez timoroan rasik hala’o fali perfurasaun liuhusi empreza Timor Resources ho nia parseiru Timor Gap no mós Autoridade Nasionál ba Petróleo no Minerál (ANPM) ne’ebé sai nu’udar reguladór ba empreza no prosesu perfurasaun ne’e.
Timor Resources komprometidu halo perfurasaun no garante hetan rezultadu di’ak liuhusi dadus ne’ebé jeologu sira halo ona estudu ho esperansa atu bele hadi’a dezenvolvimentu iha rai-laran no mós husu nafatin apoiu husi entidade hotu atu prosesu ne’e bele la’o ho di’ak no susesu.
Lansamentu perfurasaun posu mina Feto Kmaus lansa husi Primeiru-Ministru Taur Matan Ruak Xefe estadu maior F-FDTL Tenente Jenerál Lere Anan Timor Ministru petróleu no minerál Prezidente Konsellu Veteranu Embaixadór Austrália no mós konvidadu importante balun no halo kedas obrservasaun ba ekipamentu perfurasaun nian.
Produsaun Tatoli I.P ©2021
