DILI, 8 novembru 2021 (TATOLI)— Sala Situasaun, Sentru Integradu Jestaun Krize (CIGC,sigla portugés) relata, ohin, kazu detetadu foun laiha , rekuperadu laiha no kazu ativu lima.
”Kazu detetadu foun ohin laiha no hela kazu ativu na’in-lima,” Koordenadór Forsa-Tarefa ba Prevensaun no Mitigasaun, Rui Maria de Araújo, hateten liuhosi nota ne’ebé Agência TATOLI asesu, segunda ne’e.
Nune’e, hahú 21 marsu 2020 to’o 8 novembru 2021 iha kumulativu kazu konfirmadu 19.799 no óbitu 122.
Hosi Domingu ne’e mai ohin, Laboratóriu Nasionál Saúde halo teste PCR 35, kompostu vijilánsia sentinela laiha, rastreiu ba kontaku laiha, rastreiu aleatóriu rua, viájen internasionál na’in-32,follow up iha kuarentena na’in-ida.
Alende ne’e, totál teste PCR ne’ebé halo iha 7 novembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 140, hanesan Maubisse tolu, Maliana haat, Viqueque 31 Suai 18, Baucau 19, Ermera laiha, RAEOA la iha, HNGV 65, Lautém laiha, Vera Cruz laiha.
Populasaun elijível tinan 18 ba leten, ne’ebé simu ona vasina to’o iha loron 8 novembru , tuir sistema informasaun Saúde iha Ministériu Saúde, hanesan kumulativu 1ª doze iha Dili (82,9%) no kumulativu 2ª doze iha Dili (74,0%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 75,3% no simu ona doze daruak 49,6%.
Hosi insidénsia COVID-19 iha Timor-Leste, durante loron hitu ikus maka 0,1/100 mil abitante, enkuantu ba deit munisípiu Dili 0,4/100 mil abitante.
Iha loron 8 novembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu ospitalizadu ba kazu detetadu pozitivu na’in-haat, moderadu na’in-ida no kaman na’in-tolu.
Notísia Relevante: COVID-19 : kazu ativu lima no taxa pozitividade 0%
Jornalista : Felicidade Ximenes
Editór : Florencio Miranda Ximenes
