DILI, 04 janeiru 2022 (TATOLI)- Tribunál Distritál Dili (TDD), tersa (04/1), halo julgamentu primeiru interrogatóriu ba arguidu DS ne’ebe deskonfia tuda postu polísia iha suku Manleuna, Munisípiu Dili.
Kazu ne’e akontese iha área Manleuna, iha loron 31 dezembru, ne’ebé aguidu DS lori fatuk tuda eskuadra Polísia Manleuna. Hafoin tuda, Polísia detein kedan arguidu durante oras 72 iha sela polísia, molok submete ba tribunál hodi tuir julgamentu primeira interrgoratóriu.
Iha sala audénsia julgamentu, arguidu konfesa aktu ne’ebé nia halo ba tribunál ho arrepende no promete sei la halo tan, nune’e Ministériu Públiku akuza arguidu ho tipu krimi dadu agravadu ne’ebe previstu kódigu penál Timor-Leste.
Hafoin, tribunál rona tiha parte hotu iha sala audénsia, deside kedan aplika pena Termu Identidade Rezidénsia (TIR) ba arguidu DS.
Nune’e, Ministériu Públiku konsidera pena ho TIR ne’e sei haree fila no seidauk bele promunsia buat ruma.
Audénsia julgamentu ne’e prezide hosi juiza Albertina Neves, Ministériu Públiku reprezenta hosi Renato Berenahak no arguido hetan asisténsia hosi Defensor Públiku João Carvalho.
Jornalista : Natalino Costa
Editór : Florencio Miranda Ximenes
