NASIONÁL, POLÍTIKA

SEAK selebra akordu ho ANPM estabelese biblioteka nasionál

SEAK selebra akordu ho ANPM estabelese biblioteka nasionál

Dezeñu biblioteka nasionál. Imajen espesiál

DILI, 11 abril 2022 (TATOLI)—Sekretária Estadu Arte no Kultura (SEAK), sesta (08/04) semana kotuk, selebra asina akordu ho Autoridade Nasionál Petróleu no Minerál (ANPM) ba estabelesimentu biblioteka nasionál.

Notísia Relevante: Konstrusaun biblioteka nasionál sei hala’o iha tempu badak 

Akordu ne’e asina direta hosi Sekretáriu Estadu Arte no Kultura (SEAK), Teófilo Caldas, ho Prezidente Autoridade Nasionál Petróleu no Minerál (ANPM), Florentino Soares Ferreira.

“Konstrusaun biblioteka nasionál, agora daudaun tama ona iha faze asina akordu entre SEAK ho ANPM. Iha MoU ne’e ninia konteúdu katak bainhira projetu ne’ebé halo hosi kompañia ba biblioteka nasionál, se osan ne’e la sufisiénte mak Governu TL prontu atu tau adisionál ba kompleta projetu refere,” Diretór Nasionál Biblioteka no Muzeu, Joao Fátima da Cruz, hateten ba Agência Tatoli, iha nia knar fatin, Avenida Portugal, Pantai kelapa, Dili, segunda ne’e.

Kona-ba kompañia ne’ebé sei toma konta ba konstrusaun, nia dehan, antes tama ba konstrusaun biblioteka nasionál, parte Governu mak asina akordu uluk hanesan SEAK no ANPM.

Asina MoU hotu, sei lori ba iha ANPM hafoin kompañia Internasionál hosi Italia naran ENI sei asina fila-fali agreement entre ENI ho ANPM ho orsamentu millaun $10, tanba orsida dokumentu sei iha rua, ida mak funding agreement ho orsamentu millaun $10 no ida seluk mak Governu nian.

“Daudaun ne’e, ami seidauk hatene kompañia ne’ebé mak toma konta ba konstrusaun biblioteka nian, tanba depois asina hotu lori ba mak ENI foin pronúnsia. Nune’e, ita espera katak konstrusaun ne’e akontese iha fulan abril nia laran,” nia dehan.

Jornalista : Nelia Fernandes

Editór       : Cancio Ximenes  

iklan
iklan

Leave a Reply

iklan
error: Content is protected !!