DESPORTU, HEADLINE, INTERNASIONÁL

Silas Paixão: “importante fó treinamentu fíziku ba selesaun nasionál”

Silas Paixão: “importante fó treinamentu fíziku ba selesaun nasionál”

Jogadór selesaun nasionál U-23 hala’o treinamentu ba loron daruak iha kampu futeból Qatar University. Imajen Tatoli/Hortencio Sanchez.

QATAR, 24 maiu 2022 (TATOLI) – Treinadór Prinsipál asuntu fiziku ba selesaun nasionál U-23, Silas Paixão, konsidera treinamentu fiziku ba jogadór futeból importante tebes atu hadia performe jogadór sira nian bainhira kompete jogu ruma.

“Ita tama ba iha servisu fiziku nian, ida ne’e importante tebes iha futeból, oinsa treinu jogadór sira bele servisu makas ho bola liuliu iha parte fiziku nian oinsá sira bele iha rezisténsia forsa atu nune’e sira bele iha vontade hatudu performe di’ak iha jogu minutu 90,” dehan Silas ba Agência TATOLI iha kampu futeból Qatar University, segunda kalan.

Notísia relevante: Selesaun nasionál U-23 hahú treina iha Qatar

Treinadór Prinsipál Fíziku ba Selesaun Nasionál U-23, Silas Paixão. Imajen/Hortencio Sanchez

Nia dehan, ekipa Timor-Leste sei iha faze dezenvolvimentu ho nune’e tenke fó treina jogadór sira ho didi’ak atubele hatudu jogu di’ak iha kompetisaun sira.

Relasiona ho ai-han ne’ebé iha nutrisaun tebes ba jogadór sira durante hala’o training camp iha Qatar bele hasa’e liu tan estamina jogadór sira nian.

Tanba ne’e, jogadór sira tenke hala’o treinamentu ne’ebé ho sériu labele halimar durante treinu no foku liu ba saida mak treinadór sira oferese.

Daudaun ne’e, jogadór na’in-21 mak hala’o treinamentu iha Qatar hosi númeru ne’e kompostu hosi Guarda Rede na’in-rua no jogadór defeza, médiu no avansadu hamutuk na’in-19.

Selesaun Nasionál U-23 sei hela iha Qatar hodi hala’o treinamentu durante loron 12 atubele halo preparasaun másimu hodi ba ba hala’o jogu amigavél iha Kamboja no Laos tuir kalendáriu Federation International Football Association (FIFA).

Notísia relevante: Hala’o TC iha Qatar, kapitaun selesaun nasionál U-23 agradese ba FFTL-QFA

Jornalista: Hortencio Sanchez

Editór      : Florencio Miranda Ximenes

iklan
iklan

Leave a Reply

iklan
error: Content is protected !!