iklan

COVALIMA, INKLUZAUN SOSIÁL

Janeiru-juñu: protesaun sivil Covalima rejistu vítima dezastre naturál 50

Janeiru-juñu: protesaun sivil Covalima rejistu vítima dezastre naturál 50

Anin sobu uma iha aldeia Natardik, suku Dato-tolu. Imajen/Espesiál

COVALIMA, 24 juñu 2022 (TATOLI)—Koordenadór Protesaun Sivíl Munisípiu Covalima, Dinis Ferreira, hateten hahú fulan-janeiru to’o fulan-juñu tinan ne’e, protesaun sivíl Covalima rejistu vítima dezestra naturál hamutuk 50.

“Ita hotu hatene katak agora mundu hasoru hela situasaun kalamidade inklui Timor-Leste, espesífiku iha Covalima iha postu administrativu hitu (7), ne’ebe lokaliza iha fronteira iha fulan janeiru to’o juñu rejistu vítima dezastre naturál uma kain 50,” Dinis Ferreira aprezenta dadus bainhira Servisu Munisipál Protesaun Sivíl Jestaun Risku Dezastre Naturál Covalima, realiza enkontru avaliasaun servisu, iha salaun Sentru Solidariedade Sosiál, Suai Loro, sesta ne’e.

Durante ne’e, Protesaun sivil rejistu tipu dezastre naturál iha munisípiu Covalima mak hanesan rai halai rua (2), inundasaun 9, anin boot sobu estraga 33, ahi han uma rua (2).

Tanba ne’e, nia dehan, Dirasaun Nacional Jestaun Risku Dezastre naturál hala’o knar ho objetivu atu salva vida umana no ema-nia riku soin bazea ba lei númeru 12/2020 de 2 dezembru komunidade ne’ebe hela iha fatin risku hanesan mota ninin tasi ibun, rain lolon no hela besik ai-hun boot.

Ekipa Servisu Munisipál Protesaun Sivil Jestaun Risku Dezastre Naturál Covalima liña ministériu sira hamutuk ONG lokál hanesan CVTL, Centru Comunidade (CCC), Mercy Corps no World Vision ne’ebe destaka ba iha munisípiu Covalima kontribui másímu ba servisu levantamentu dadus no distribui sasán emerjénsia ba komunidade sira-ne’ebé sai vítima ba dezastre naturál.

Tuir dadus hosi protesaun sivíl hatudu katak númeru vítima dezastre naturál aas iha postu administrativu Zumalai hamutuk 13, Suai Vila hamutuk 11, Fohorem hamutuk 11, Maucatar hamutuk hitu (7), Fatululik haat (4), Tilomar tolu (3), Fatumea ida (1).

Jornalista : Celestina Teles

Editór      : Cancio Ximenes

iklan
iklan

Leave a Reply

iklan
error: Content is protected !!