COVALIMA, INKLUZAUN SOSIÁL

SAS Covalima halo levantamentu dadus labarik-EhD afetadu dezastre naturál

SAS Covalima halo levantamentu dadus labarik-EhD afetadu dezastre naturál

Tekniku Sentru Asaun Sosial ,halo levantamento dadus vítima inundasaun,imajen tatoli/Celestina Teles.

COVALIMA, 04 jullu 2022 (TATOLI)–Tékniku Sentru Asaun Sosiál (SAS) Covalima halo levantamentu dadus bainan isin-rua, ema ho difisiénsia no labarik sira afetadu dezatre naturál iha sentru evakuasaun iha munisípiu Covalima.

Notísia Relevante: PR fó apoiu nesesidade bázika ba vítima inundasaun iha Covalima

Tekniku Sentru Asaun Sosial ,halo levantamento dadus vítima inundasaun,imajen tatoli/Celestina Teles.

“Ha’u hanoin em jeral ita haree ba vítima barak maibé espesífiku labarik ita atu proteje labarik inan isin-rua no ema ho difisiénsia sira. Ita-nia intervensaun oinsá ita-identifika dadus ba labarik sira afeta hosi dezastre naturál,” Diretór Sentru Asaun Sosiál Agapito Asis Cardoso informa ba Agência Tatoli, iha salaun Sentru evakuasuan Eskola Sekundáriu Jerál Públiku Suai, segunda ne’e.

Maske Sentru Solidariedade Sosiál Covalima iha mós responsabilidade maibé foku liu haree labarik sira ho otas kiik, inan isin-rua no ema ho difisiénsia sira-ne’ebé afetadu ba inundasaun, nune’e bele relata dadus hodi hein desizaun hosi nasionál.

Inundasaun akontese bainhira udan bo’ot iha loron kinta (30/6) afetadu ba komunidade nia uma, natar, animál no dadur sira iha prizaun Suai mós bee-debu to’o ikus dadur sira evakua ba aeroportu Komandante Kay Rala Xanana Gusmão Covalima.

Apoiu saida mak atu distribui ba labarik idade kiik, inan isin-rua, ema ho defisiénsia ne’e seidauk bele fó sai tanba sei hein desizaun hosi nasionál.

“Ha’u seidauk bele mensiona apoiu saida mak atu bele oferese maibé agora hosi nasionál presiza dadus. Se ita fó apoiu normál mak hanesan biti, sanan, no nesesidade bázika seluk tan maibé ba labarik inan isin-rua no ema ho difisiensia sira karik iha ona dezisaun ruma ita sei haree ida-ne’e,” nia dehan.

Tuir dadus hosi ekipa Komisaun Dezastre Munisípiu Covalima evakua ona uma kain-35 ne’ebé kompostu hosi feto ho idade adultu 53, mane ho idade adultu 23, labarik kiik ne’ebé tinan lima mai kraik feto na’in-18 no mane na’in-12 no ema ho difisiénsia mane rua (2) no feto na’in-ida (1).

Vítima sira-ne’e evakua hosi suku sira hanesan suku Suai Loro uma kain 33, aldeia akar laran uma kain 14, aldeia Lo’o uma kain 18, suku Beco aldeia Aidantuik uma ka’in rua (2) no suku Lalawa, postu administrativu Tilomar aldeia Ai-oan uma kain ida (1).

To’o oras ne’e, vítima sira-ne’e hetan ona apoiu nesesidade bázika hosi Prezidente Repúblika liuhosi Xefe Caza Sivil, Lidér Kay Rala Xanana Gusmão no Ministru Obra Públika.

Notísia Relevante: Infografia: MOP observa direta komunidade afetadu inundasaun iha Covalima

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!