COVALIMA, INKLUZAUN SOSIÁL

Governu apoiu nesesidade bázika ba dadur 118 iha prizaun Covalima

Governu apoiu nesesidade bázika ba dadur 118 iha prizaun Covalima

Governu fó apoiu nesesidade bázika ba dadur sira iha prizaun Covalima. Imajen Tatoli/Celestina Teles.

COVALIMA, 07 jullu 2022 (TATOLI)—Ministériu Solidariedade Sosiál (MSSI) liuhosi Sentru Solidariedade Sosiál no Inkluzasaun Covalima fó apoiu nesesidade bázika ba dadur 118 iha prizaun Covalima ne’ebé afetadu ba inundasaun.

Notísia Relevante: SAS Covalima halo levantamentu dadus labarik-EhD afetadu dezastre naturál

“Ha’u hanoin ita hotu hatene iha loron hirak liubá iha Covalima udan boot ne’ebé afeta ba ita-nia komunidade no mós dadur sira iha prizaun Covalima, ho nune’e ita presiza fó apoiu ba vítima inundasaun sira,” Diretor Sentru Solidariedade Sosial no Inkluzaun Covalima, Agapito Asis Cardoso, hateten ba jornalista sira iha prizaun Suai, kinta ne’e.

Apoiu nesesidade báziku ne’ebé fó apoiu ba dadur sira mak hanesan, Biskuat khon Guan, sabaun haris, pastadente, eskova nehan, Rinso, Biti, sardina no nesesidade bázika sira seluk tan.

Governu fó apoiu nesesidade bázika Relasiona ho udan boot ne’ebé akontese hodi hamosu inundasaun iha Covalima, no iha sesta (30/6) diretór prizaun hamutuk ho Polisia Nasionál Timor-Leste (PNTL) evakua dadur na’in-118 ba aeroportu Komandante Kay Rala Xanana Gusmão Suai tanba prizaun Suai afetadu hosi inundasaun.

Tuir dadus, dadur iha prizaun Covalima hamutuk na’in-118 ho guarda prizonál hamutuk na-in 39 kompostu hosi feto haat (4) no mane 35.

Aleinde fó apoiu nesesidade báziku ba dadur iha prizaun Suai, Sentru Solidariedade Sosial no Inkluzaun Covalima mós sei fó apoiu nesesidade bázika ba ema ho defisiénsia, inan isin-rua no labarik sira ne’ebé afeta ba inundasaun.

Antes ne’e, iha segunda (04/07) tinan ne’e, ekipa tékniku hosi Sentru Solidariedade Sosiál no Inkluzaun halo ona levantamentu dadus ba labarik, inan isin-rua no ema ho difisiénsia sira hamtuk na’in-50-resin tanba afetadu ba inundasaun.

Jornalista : Celestina Teles

Editór       : Cancio Ximenes

 

iklan
iklan

Leave a Reply

iklan
error: Content is protected !!