EDUKASAUN, HEADLINE

ISC hakarak asesu kréditu atu prepara kondisaun ba estudante

ISC hakarak asesu kréditu atu prepara kondisaun ba estudante

Reitór ISC, Sebastião Pereira. Imajen: Nelia Fernandes

DILI, 07 jullu 2022 (TATOLI)–Institutu Superiór Cristal (ISC) iha ona planu atu hato’o proposta asesu kréditu iha Banku Nasionál Komérsiu Timor-Leste (BNCTL) ho montante $900.000 resin, liuhosi programa Ensinu Superiór Kualidade+ ne’ebé introdús hosi Ministériu Ensinu Superiór Siénsia no Kultura (MESSK).  

“Ami agora halo ona prosesu liña kréditu ho BNCTL tanba ami asina ona akordu, ne’ebé ami hein de’it prosesu ne’e kuandu la’o ona ami sei asesu ba kréditu,” Reitór ISC, Sebastião Pereira, informa ba Agência Tatoli, iha kampus ISC Balide, kinta ne’e.

Notísia relevante: MESSK no BNCTL asina akordu liña kréditu ‘Ensinu Superiór Kualidade+’

ISC asesu liña kréditu atu hadi’a edifísiu kampus ISC pizu tolu iha Baucau, jináziu multi funsaun, salaun konferénsia no biblioteka, ho intensaun atu garante kualidade di’ak ba estudante sira iha instituisaun ne’e.

Tuir Reitór, akordu ne’ebé Instituisaun Ensinu Superiór sira halo ho MESSK no BNCTL atu apoiu hadi’a kualidade instituisaun.

“Kada Instituisaun Ensinu Superiór iha direitu bele foti to’o $500.000, tanba ne’e maka ninia juru 3% de’it, ne’ebé sei responsabiliza hosi MESSK maibé la taka dalan ba Instituisaun Ensinu Superiór sira atu foti liu ida-ne’e,” nia akresenta.

Jornalista   : Tomé Amado

Editora       : Julia Chatarina

iklan
iklan

One Comment

Leave a Reply

iklan
error: Content is protected !!