COVALIMA, INKLUZAUN SOSIÁL

Trimestre daruak: SMAS Covalima apoiu kaixaun 54 ba familia matebian vulneravél

Trimestre daruak: SMAS Covalima apoiu kaixaun 54 ba familia matebian vulneravél

Diretór Servisu Munisipál Asaun Sosial (SMAS) Covalima, Abrão do Nascimento. Imajen Tatoli/Celestina Teles.

COVALIMA, 12 jullu 2022 (TATOLI)–Diretór Servisu Munisipál Asaun Sosial (SMAS) Covalima, Abrão do Nascimento, informa informa iha trimestre daruak (abril-juñu) tinan ne’e, Servisu Munisipal  Asaun Sosial apoiu ona kaixaun 54 ba família matebian vulneravél iha Covalima.

Notísia Relevante: SMAS apoiu ona kaixaun 82 ba matebian família vulneravél

“Trimesterál daruak tinan fiskal 2022 ne’e, Servisu Munisipal Asaun Sosiál Covalima apoiu ona kaixaun 54 ba família matebian vulneravél ne’ebé ita kategória kaixaun boot, kaixaun naton no kaixaun kiik,” Abrão do Nascimento hato’o ba jornalista sira, iha nia knar fatin, Bairru Costa, tersa ne’e.

Servisu Munisipál Asaun Sosiál apoiu kaixaun 54 ho nia tipu  hanesan kaixaun boot  ho medida senti métru 140-200 hamutuk 46 ne’ebé kada kaixaun ho nia presu  $170.00, nune’e gasta ona osan 7,820.00.

Kaixaun naton medida senti métru 90-130 ne’e hamutuk ida (1) ho nia presu $95.00 no kaixaun kiik ho medida senti métru 60-80 ne’e hamutuk hitu (7) ho kada kaixaun ida hetan presu $60.00, entaun totál ne’e gasata osan hamutuk $420.00.

Ho nune’e, nia hateten, durante trimestre daruak apoiu ona kaixaun 54 ne’ebé gasta ona orsamentu hamutuk $8,335.00.

Kaixaun ne’ebé fó apoiu maiória hosi postu ne’ebé seidauk hatene tanba seidauk print out dadus ne’ebé durante ne’e fó apoiu kaixaun ba família matebian vulneravél iha postu administrativu sira.

Durante fó apoiu kaixaun ba família matebian vulneravél sira-ne’e, Sevisu Munisipál Asaun Sosiál simu ezijénsia hosi komunidade atu transporta kaixaun ba família matebian nia-uma, tanba bazea ba dekretu-lei númeru 6/2016 ne’e, haktuir katak lei la autoriza karu funeráriu tranporta kaixaun ba família matebian nia-uma

“Maske lei la autoriza atu transporta maibé ita ema umanu, família mai fó razaun forte laiha osan atu aluga karreta, entaun superiór foti desizaun hodi deside karreta funeráriu tula kaixaun lori ba matebian nia-uma, maibé haree mós ba distánsia hanesan Suai Loro, Beco no Zumalai tanba haree ba kondisaun estrada di’ak.

Maibé hanesan superior haree ba kondisaun ekonamia ne’ebé mínimu mak foti desizaun no orienta motorista sira tula kaixaun to’o família matebian nia uma, la signifika ho karreta funeráriu transporta kaixaun ba família matebian nia-uma.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!