COVALIMA, INKLUZAUN SOSIÁL

Loron Funsaun Públika: Pároku Suai husu funsionáriu públiku servi povu-nasaun

Loron Funsaun Públika: Pároku Suai husu funsionáriu públiku servi povu-nasaun

Funsionáriu Públiku inklui administradór, diretór munisípál no funsionàriu babain sira partisipa misa agradesimentu komemora loron nasional funsaun publika iha Covalima. Imajen Tatoli/Celestina Teles.

COVALIMA, 14 jullu 2022 (TATOLI)—Pároku Ave Maria Suai, Pe. Sebastião Eugénio da Cruz Correia, husu ba funsionáriu públika sira-ne’ebé durante ne’e presta sira-nia servisu iha instituisaun sira-ne’e atu servi povu no nasaun.

Notísia Relevante: Loron Nasionál Funsaun Públiku, funsionáriu públiku Covalima hala’o limpeza jerál

“Jesus husu ita simu knar dotor, profesór tenke haraik an atu servi tanba Nai maromak haraik mai ita knar la hanesan. Balun knar kiik no boot, ida-idak simu nia reponsabilidade uza knar tenke ho didi’ak, ema seluk sei louva no hahí ita. Liafuan xave ba funsionáriu haknar an servisu iha KFP simu knar ba publiku la’ós ba ita-nia an rasik maibé atu servi povu no nasaun,” Pe. Sebastião hateten nia ómilia bainhira prezide misa agradesimentu ba komemorasaun loron nasionál Funsaun Públika daualuk, iha Igreja Ave Maria Suai, kinta ne’e.

Iha ámbitu atu komemora loron Nasionál Funsaaun Públika ohin loron funsináriu sira ho inisiativa realiza atividade sira hanesan husu misa agredesimentu, tanba loron Nasionál Funsaun Públiku sei monu iha sesta (15/07) tinan ne’e.

“Selebrasaun loron nasioná; Funsaun Públika monu iha loron aban maibé ohin ita hasa’e ita-nia eukariatia ne’ebé ohin ita mós realiza atividade sira hodi hato’o agradese ba maromak hanesan atividade ita selebra eukaristia santa hodi hanoin loron aban nian,” nia dehan.

Funsionáriu ida-idak simu kna’ar iha insituisaun sira bazea ba kapasidade no esperiénsia ne’ebé mak iha, nune’e hodi bele servi povu no nasaun.

“Hanesan ohin iha evangellu dehan, sai mestre atu ema labele hahi ita sai metre, atu sai maun-alin ba ema hotu no sai aman la’ós ukun sira de’it. Maibe sai aman, aman ida-ne’ebé servi kuandu ema hahi ita, ita mós atu servi,” nia esplika.

Prezidente Komisaun Organizadora, Jacinto do Santos hateten, autoridade Covalima komemora loron nasionál Funsaun Públika ho atividade sira hanesan husu misa agradesimentu no hala’o limpeza jerál.

“Ita selebra loron nasionál funsaun públika ba daualuk ne’ebé ita komemora ho atividade ita hala’o limpeza jerál ho ita nia partisipasaun, ita konsege hala’o atividade ohin ita hakat liu ona funsaun públiku hanesan funsaun komub ida,” nia hateten.

Misa agradesimentu ne’e partisipa hosi Administradór Munisípiu Covalima, Diretór setorál sira  no funsionáriu públiku sira iha munisípiu Covalima.

Jornalista : Celestina Teles

Editór       : Cancio Ximenes

iklan
iklan

Leave a Reply

iklan
error: Content is protected !!