COVALIMA, HEADLINE, JUSTISA

MJ orienta Terra no Propriedade Covalima obriga empreza selu arrendamentu

MJ orienta Terra no Propriedade Covalima obriga empreza selu arrendamentu

Ministru Justisa, Tiago Amaral Sarmento, halo vizita traballu ba iha edifisiu Terra no Propridade no Serbisu Kadastral Munisipiu Covalima, Foto Natalino Costa.

COVALIMA, 15 jullu 2022 (TATOLI)— Ministériu Justisa, Tiago Amaral Sarmento, halo viizta traballu ba Diresaun Terra no Propriedade munisípiu Covalima, hala’o levatamentu dadus ba empreza sira ne’ebé aluga uma no rai Estadu hodi obriga halo pagamentu.

“Iha Suai ne’e, iha negosiante Xineza barak halo negósiu iha ne’e, tanba ne’e Terra no Propriadade presiza halo levantamentu, nune’e obriga sira tenke selu arredamentu. Tanba rai no uma Estadu la’ós gratuita,” Ministru Tiago hateten bainhira halo vizita traballu iha Covalima, sesta foin lalais ne’e.

Governante ne’e husu Diretór Terra no Propridade Munisipiu Covalima, atu submete dadus balun liga ba empreza hira maka uza rai no uma Estadu halo atividade negósiu no hira maka selu ona arredamentu.

“Ha’u husu labele halimar ho sira tanba hotu-hotu tenke submete ba lei. Ha’u orienta Terras no Propriadade no Servisu Kadastrál tenke halo levantamentu lalais, nune’e ita bele aplika lei hodi sira bele selu arrendamantu,” hateten Ezekutivu ne’e.

Tanba, Ministru Tiago, informa  daudaun ne’e implemanta ona iha Munisípiu Dili no Viqueque hodi obriga arredatáriu sira selu rai. Tanba ne’e, tempu badak, Ministériu Justisa aplika polítika ida ne’e ba iha Munisipiu Covalima no Munisipiu sira seluk.

Alende ne’e, Governante ne’e hirus Diretór Terra no Propriadade Covalima, tanba bainhira hala’o vizita traballu la marka presenza tanba lori hela dokumentu balun mai iha Nasionál ka Dili.

“Ha’u ohin mai halo vizita iha ne’e, la hetan Diretór Terra no Propriadade Munisipiu Covalima nia oin iha ne’e, hanesan Ministru Justisa no hanesan líder másimu Ministériu Justisa ha’u lamenta,” nia lamenta.

Nune’e, Nia dehan sei bolu Diretór ne’e atu ko’alia nia-razaun la marka prezensa iha vizita traballu ne’e.

Iha fatin hanesan, Pesóal Servisu Kadastrál Munisipiu Covalima, Pedro Tilman, hateten durante ne’e serbisu Terra no Propriadade no Serbisu Cadestrál Munisipiu Covalima liga ba atendimentu la’o di’ak tebes, maski iha difikuldade oin-oin.

“Ami iha funsionáriu Terra no Proriadade no Servisu Kadastrál iha funsionáriu permante nain-lima no nain-neen nu’udar funsionáriu kazuál hodi halo atendimentu ba públiku ho di’ak tebes, maski iha fasilidade hanesan komputadór limitadu,” nia afirma.

Hatan kona-ba Diretór Terras Propriadade labele marka presenza iha MJ nian vizita traballu ne’e tanba Diretór ne’e lori hela karta ba iha nasionál.

Tuir observasaun Jornalista Agência TATOLI iha terreñu, edifisiu Terra no Propridade no Serbisu Kadastrál iha Munisipiu Covalima iha kondisaun ne’ebé di’ak no seguru ba funsionariu sira atu halo serbisu.

Notísia relevante: MJ apresia serbisu guarda prizionál Suai

Jornalista: Natalino Costa

Editór       : Florencio Miranda Ximenes

iklan
iklan

Leave a Reply

iklan
error: Content is protected !!